ជីវិតកម្សាន្ដ

Mai Davika បញ្ចេញរូបភាពសក់ខ្លី ទាក់ចិត្តទស្សនិកជនមិនតិចនាក់

បានផុស

២ ខែ មុន

នៅ

ថ្ងៃសុក្រ ១០ មីនា ២០២៣

ដោយ

ទស្សនិកជនដឹងហើយថា សម្រាប់ Mai Davika មិនថាធ្វើអ្វីនាងតែងទទួលការគាំទ្រនិងសរសើរពីសំណាក់មហាជន ខណៈកាលពីពេលថ្មីៗនេះ IG ផ្ទាល់ខ្លួនរបស់នាង ទើបតែបង្ហោះនៅរូបភាពកាត់សក់ខ្លី ពាក់អាវយឺត និងខោខូវប៊យ តែទាក់ចិត្តមហាជនមិនតិចនាក់ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីមានចង្កេះស្ដើងរូបនេះ បានបង្ហាញរូបរាងចុងក្រោយដោយសក់ក្បាលខ្លីជាងមុន ក្នុងសំលៀកបំពាក់សាមញ្ញៗស្រួលពាក់ គួបផ្សំនឹងការបញ្ចេញស្ទាយថតរូបអេនអន ប៉ុន្តែប៉ុន្មានសន្លឹកនេះបែរទាក់ទាញភ្នែកមហាជនជាច្រើនឲ្យចូលមកបញ្ចេញមតិសរសើរលើរូបនាង។

ជាមួយគ្នានេះដែរ ទស្សនិកជនដែលនិយមតាមដាន Mai Davika បញ្ចេញមតិប្លែកៗពីគ្នាថា “ត្បិតថាសក់ខ្លី តែមកលើកនេះស្អាតដដែល ហើយនៅតែដូចមនុស្សស្រីទោះសក់ខ្លីជាងមុន។ ចំណែកអ្នកមួយចំនួនទៀតបន្ថែមថា ចង់កាត់សក់របៀបនេះ ហើយមានរាងនិងមុខមាត់ស្អាតដូច Mai ណាស់។ ប្រសិនបើកាត់សក់ខ្លី មើលទៅមិនស្អាតរបៀបនេះទេ អាចចេញមកដូចប្រុសសុទ្ធផងមិនដឹង! មិនហ៊ានប្រថុយកាត់ដូច Mai ទេ”។

ទោះយ៉ាងណាមហាជនមិនអាចស្មានដឹងទេថា សក់តារាសម្ដែង Mai Davika ពិតជាកាត់ពិតៗឬនាងគ្រាន់តែពាក់ដើម្បីថតបង្ហោះឲ្យអ្នកគាំទ្របានឃើញនោះទេ។ ប៉ុន្តែកន្លងមកនាងតែងតែបង្ហាញសក់ខ្លីត្រឹមស្មា និងតែងផ្លាស់ប្ដូររូបរាងប្លែកពីមួយថ្ងៃទៅមួយថ្ងៃជានិច្ច៕