ជីវិតកម្សាន្ដ

នាយ កុយ រំភើបខ្លាំង ខណៈសម្តេចតេជោ ហ៊ុន សែន ផ្តល់អាទិភាពចាក់វ៉ាក់សាំងមុនគេ

បានផុស

៣ years មុន

នៅ

ថ្ងៃសៅរ៍ ១៦ មករា ២០២១

ដោយ

ភ្នំពេញ ៖ តារាកំប្លែងលំដាប់ប្រទេសនាយ កុយ បានបង្ហាញអារម្មណ៍រំភើបខ្លាំងខណៈដែលLive សុខៗក៏ស្រាប់តែសម្តេចតេជោហ៊ុន សែននាយករដ្ឋមន្ត្រី នៃកម្ពុជាបានផ្តល់កិត្តិយសដ៏ខ្ពង់ខ្ពស់ចូល Commentផ្តល់អាទិភាពចាក់វ៉ាក់សាំងការពារជំងឺកូវីដ -១៩មុនគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងនាយ កុយ បានសម្តែងអារម្មណ៍រំភើបស្ទើរហោះដូច្នេះថា ថ្ងៃនេះខ្ញុំសប្បាយចិត្តសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានទទួលវ៉ាក់សាំងពីប្រទេសចិនមួយលានដូស ហើយលោកមានប្រសាសន៍ថា លោក កុយ គួរទទួលវ៉ាក់សាំងមុនគេក្នុងចំណោមអ្នកទទួលមុន។

នាយ កុយ បានដកស្រង់ប្រសាសន៍របស់សម្តេចតេជោ ហ៊ុន សែន ទៀតថា នាយ កុយ ទទួលវ៉ាក់ សាំងនិងមានហាងឆេងខ្ពស់។ ខ្ញុំបាទសូមថ្លែងអំណរអរគុណចំពោះសម្ដេចដែលលោកបានផ្ដល់កិត្តិយសឲ្យខ្ញុំបានចាក់វ៉ាក់សាំងមុនគេ។

តារាកំប្លែងនាយកុយបាននិយាយបន្ថែមថា ខ្ញុំបាទសូមជូនពរសម្ដេចទាំងទ្វេព្រមទាំងកូនប្រុសកូន ស្រីចៅប្រុសចៅស្រីឲ្យជួបតែសេចក្តីសុខកុំឲ្យមានជំងឺបៀតបៀន ដើម្បីដឹកនាំប្រទេសកម្ពុជាឲ្យបានរុងរឿងបន្តទៀតអរគុណសន្តិភាព៕

ដោយ ៖ ចាន់រ៉ា