ជីវិតកម្សាន្ដ

ជិតចូលឆ្នាំ ! ពេជ្រ សោភា រម្លឹកដល់ឪពុកអួលដើម.ក

បានផុស

៣ years មុន

នៅ

ថ្ងៃអង្គារ ១១ មេសា ២០២៣

ដោយ

ទោះបីជាមកទល់ពេលនេះលោកឪពុកជាទីស្រលាញ់បានចែកឋានទៅមានរយៈពេលជាច្រើនឆ្នាំហើយក្តី តែសម្រាប់កំពូលតារាចម្រៀងស្រី ពេជ្រ សោភា នៅតែបន្តការនឹករលឹកគ្រប់ពេលចំពោះលោកឪពុកខ្លួនដោយគ្មានថ្ងៃរំសាយចិត្តឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់រាល់ពេលដែលតារាចម្រៀងអ្នកនាង ពេជ្រ សោភា រម្លឹកដល់លោកឪពុកពេលណា គេឃើញនាងតែងបង្ហាញពីអារម្មណ៍ក្ដុកក្ដួល និងសោកសៅជានិច្ច។ តួយ៉ាងនៅថ្ងៃទី ១១ ខែមេសា ឆ្នាំ ២០២៣ ដែលជាពេលវេលាជិតចូលឆ្នាំថ្មីប្រពៃណីជាតិខ្មែរ តារាចម្រៀង ពេជ្រ សោភា បានបង្ហោះរូបភាពភ្ជាប់នឹងសារនឹកដល់ឪពុកផងដែរ។

ពេជ្រ សោភា បានរៀបរាប់សារទាំងក្តីនឹកស្រណោះអាឡោះអាល័យ និងសួរអារម្មណ៍ទៅកាន់អ្នកគាំទ្រថា មានអ្នកនឹកពុកពេលជិតចូលឆ្នាំទេ? អារម្មណ៍គ្មានពុកយ៉ាងណាដែរ? ឯកាទេ?។ បន្ទាប់ពីការបង្ហោះរបស់ពេជ្រ សោភា បែបនេះ តារាស្រី ឈិន ម៉ានិច្ច បានឆ្លើយថា នឹកខ្លាំងណាស់បង។

តាមរយៈនេះគឺមានការឆ្លើយស្រដៀងគ្នាថា ពេលបុណ្យភ្ជុំ ឬចូលឆ្នាំ គាត់តែងតែសួរគេឯងថា កូនមួយនឹងមិនសូវបាននៅផ្ទះទេ ហើយមិនដែលបានសុខស្រួលដូចគេ ហេតុអ្វីកូនមួយនឹងចូលចិត្តធ្វើឲ្យខ្លួនពិបាក ចូលឆ្នាំមិនសូវបានឃើញមុខ(ឥឡូវគាត់ទៅចោលយើងហើយ)។

គួររម្លឹកថា ឪពុកជាទីស្រលាញ់របស់តារាចម្រៀងល្បីប្រចាំផលិតកម្មហង្សមាស អ្នកនាង ពេជ្រ សោភា បានទទួលមរណភាពកាលពីថ្ងៃទី ១៥ ខែកក្កដា ឆ្នាំ ២០១៤ ដែលគិតមកដល់ពេលនេះ មានរយៈពេលប្រមាណ ៩ ឆ្នាំ ទៅហើយ៕

អត្ថបទ ៖ ចាន់រ៉ា