ជីវិតកម្សាន្ដ

ថៃ រកឃើញម្ចាស់មកុដ Miss Thailand 2023 ជំនួសតំណែងបវរកញ្ញា Engfa Waraha

បានផុស

១១ ខែ មុន

នៅ

ថ្ងៃអាទិត្យ ៣០ មេសា ២០២៣

ដោយ

បន្ទាប់ពីប្រកួតយ៉ាងស្វិតស្វាញអស់រយៈពេលច្រើនថ្ងៃមក នៅវគ្គផ្តាច់ព្រ័ត្រនារាត្រីថ្ងៃ២៩ ខែមេសា កម្មវិធី Miss Thailand 2023 បានរកឃើញម្ចាស់មកុដគឺជាបវរកញ្ញា Aum Taweeporn Pringjamrat ដែលមកពីChumphon ខេត្តភាគខាងត្បូងនៃប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកជយលាភីលំដាប់រងទីមួយបានទៅលើ Miss Grand Phuket, ចំណាត់ថ្នាក់លេខ២ Miss Grand Bangkok, ចំណាត់ថ្នាក់លេខ ៣ Miss Grand Loei, និងទទួលបានចំណាត់ថ្នាក់លេខ ៤ Miss Grand Phrae។

ទន្ទឹមនោះ បេក្ខនារីចេញមកបង្អួតសម្រស់ក្នុងឈុតរាត្រី ចូលដល់ជុំនៃការឆ្លើយសំណួរដែលបង្ហាញពីអាកប្បកិរិយាឈ្លាសវៃ ដើម្បីជាកម្លាំងមួយដែលជួយជំរុញសង្គម នយោបាយ និងសេដ្ឋកិច្ច ដោយសំណួរសួរថា «ប្រសិនបើការបោះឆ្នោតនេះ នៅសល់បេក្ខភាពនាយករដ្ឋមន្ត្រីតែ ២ នាក់ប៉ុណ្ណោះ គឺលោក Prayut Chan-o-cha និង Prawit Wongsuwan ដែលអ្នកត្រូវជ្រើសរើស តើអ្នកនឹងជ្រើសរើសអ្នកណា? ហេតុអី? ខណៈរាជនីសម្រស់ទាំងអស់បង្ហាញអាកប្បកិរិយាខ្លាំងក្លារៀងៗខ្លួនដើម្បីឆ្លើយសំណួរដ៏ពិបាកមួយនេះ។

យ៉ាងណាមិញបន្ទាប់ពីរកឃើញម្ចាស់មកុដ Miss Thailand 2023 បវរកញ្ញា Aum Taweeporn នឹងត្រូវតំណាងប្រទេសថៃ ទៅប្រកួតកម្មវិធី Miss Grand International 2023 នៅទីក្រុងហូជីមីញ ប្រទេសវៀតណាម នាខែតុលាខាងមុខនេះ៕