ជីវិតកម្សាន្ដ

សួ វិចិត្រ បង្ហើបរឿងហួសចិត្តត្រូវគេមើលងាយរឿងជិះឡានស៊េរីទាប

បានផុស

៣ years មុន

នៅ

ថ្ងៃព្រហស្បតិ៍ ២៣ វិច្ឆិកា ២០២៣

ដោយ

លោក សួ វិចិត្រ ម្ចាស់ពានកម្មវិធីប្រឡងចម្រៀងលំដាប់ពិភពលោក Beat The Best Cambodia រដូវកាលទី ១ ខណៈអាជីពសិល្បៈកំពុងមានទីផ្សារចេញច្រៀងនៅតាមបណ្ដាកម្មវិធីប្រគំតន្ត្រីគួរសម ស្រាប់តែតារាប្រុសរូបនេះបានទម្លាយរឿងឈឺចាប់ក្នុងចិត្តត្រូវគេមើលងាយរឿងជិះឡានស៊េរីទាបទៅច្រៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អារម្មណ៍របស់លោក សួ វិចិត្រ បាននិយាយទាំងហួសចិត្តថា «រាល់ពេលចេញច្រៀងម្តងៗ លោកពិតជាសង្កៀរត្រចៀកដែលគេសួរនាំរឿងដូរឡាន ឬទិញឡានថ្មីពេលណា?។ លោកថា មានពេលខ្លះរូបលោកដូចជាមិនសូវជាប្រកាន់ទេ ប៉ុន្តែក៏មានអ្នកខ្លះទៀតសួរនាំបែបចំអកបានធ្វើឲ្យលោកមិនសប្បាយចិត្តតែម្ដង។

លោក សួ វិចិត្រ និយាយទៀតថា «ខ្ញុំឆ្ងល់ តើវាមានអ្វីទាក់ទងទៅនឹងការជិះឡាន ព្រោះថាយើងជិះឡានស៊េរីអីក៏អាចទៅច្រៀងបានដែរ ពោលគឺអាស្រ័យលើសំឡេងអ្នកចម្រៀងប៉ុណ្ណោះ(មនុស្សទៅច្រៀងទេ ហេតុអ្វីយើងត្រូវយកចិត្តទុកដាក់ចំពោះឡានម្ល៉េះ?) នេះអ្វីដែលខ្ញុំជួបច្រើនមកហើយ ហើយក៏មិនចង់និយាយដែរ តែដូចជាជ្រុលពេក»។

តារាប្រុសលោក សួ វិចិត្រ និយាយបន្ថែមថា លោកហាក់មិនយល់ពីអារម្មណ៍អ្នកសួរ។ លោកថា មិនមែនខ្លួនលោកធ្វើមិនបានទេ គឺចង់ទិញបង់រំលស់រថយន្តស៊េរីទំនើបដូចជា Ford ជិះពេលណាក៏បានដែរ តែលោកមិនចង់ចំណាយច្រើន ឬជំពាក់គេ ព្រោះមានគ្រួសារឪពុកម្តាយ និងប្អូនៗ នៅរៀន ត្រូវការឲ្យជួយផ្គត់ផ្គង់ការសិក្សា។ លោកបន្ថែមថា ហេតុអ្វីបុគ្គលមួយចំនួន ចូលចិត្តឲ្យតម្លៃមនុស្សទៅលើឡាន ឬសម្ភារៈនិយមបែបនេះ។ ហើយពេលខ្លះ នៅពេលចូលទៅចំណោមអ្នកដែលគេជិះឡានទំនើប ម្នាក់ៗ បែរជាមើលលើមើលក្រោមក្នុងន័យនិយាយដើមពេបជ្រាយដល់រូបលោកទៀតផង៕

អត្ថបទ ៖ ចាន់រ៉ា