ក្រោយ Dispatch បង្ហាញតម្រុយគូស្នេហ៍ត្រូវទម្លាយ ហ្វេន K-pop ស្រាប់តែប្រតិកម្មមិនយល់ស្រប

អ្នកគាំទ្រនៅក្នុងវិស័យ K-pop ទូទាំងពិភពលោក ហាក់មិនយល់ស្របនឹងការទម្លាយរបស់កាសែត Dispatch ដែលបញ្ចាក់អំពីពាក្យចចាមអារ៉ាមជុំវិញគូស្នេហ៍នាពេលខាងមុខ ខណៈដែលឆ្នាំ២០២៤នេះធ្លាយពាក្យចចាមអារ៉ាមថា ជា Idol ក្នុងជំនាន់ទី២ និងជំនាន់ទី៤ ។

កាលពីថ្ងៃទី ២០ ខែធ្នូ អ្នកលេងអ៊ីនធឺណិតបានប្រមូលផ្តុំគ្នានៅលើវេទិកា Instiz របស់កូរ៉េ ហើយបានពិភាក្សាអំពីពាក្យចចាមអារ៉ាមដែលកើតឡើងទាក់ទងនឹងការលាតត្រដាងគូស្នេហ៍ឆ្នាំថ្មីរបស់ Dispatch។ នេះ​ត្រូវ​បាន​ផ្គូផ្គង​នឹង​ប្រតិកម្ម​របស់​អ្នក​គាំទ្រ​អន្តរជាតិ​ ​ក្នុង​ខ្សែ​ស្រឡាយ​ដាច់​ដោយ​ឡែក​មួយ។

យោងតាមរបាយការណ៍ដដែលបានបញ្ចាក់ថា មនុស្សកំពុងស្មានថាគូស្នេហ៍ដែលនឹងមកដល់នាពេលខាងមុខនឹងក្លាយជាតារា K-pop បុរសពីជំនាន់ទី២ និងជាតារា K-pop ស្រីពីជំនាន់ទី ៤។ ការ​បង្ហោះ​ក៏​បាន​លើក​ឡើង​ថា តារា​ប្រុស​រូប​នេះ​បច្ចុប្បន្ន​ជា​តារា​សម្ដែង និង​ជា Idol ដ៏​ពេញ​និយមក្នុងពិភពសិល្បៈថែមទៀត។

ទោះយ៉ាងណាក៏ដោយស្របតាមការលើកឡើងរបស់កាសែត Dispatch ពីគូស្នេហ៍ដែលនឹងត្រូវទម្លាយនាពេលខាងមុខមិនបានធ្វើឲ្យមហាជនសប្បាយចិត្តដូចគូស្នេហ៍មុនៗនោះទេ។​​ ក្នុងនោះមានមតិមួយចំនួនហាក់មិនយល់ស្របព្រមទាំងប្រឆាំងដាច់អហង្ការថា នេះជាព័ត៌មានដែលមិនស៊ីគ្នាសោះ។ ជាពិសេសគ្មានអ្នកណាទៅជឿលើរឿងនេះថាជាការពិតនោះទេ។

លើសពីនេះទៀតផងដែរ មានមតិមួយចំនួនបានសម្រុកជជែកវែកញែកព្រោងព្រាតលើអ្វីដែល​ Dispatch បានព្រលយថា​​ “Idol នារីជំនាន់ទី៤ជាក្រុមថ្មី ចំណែកឯ Idol ប្រុស​ជំនាន់​ទី​២ ធ្លាប់​ជា​តារា​ល្បី​កាល​ពី​មុន ​បច្ចុប្បន្ន​ជា​តារា​សម្ដែង”។ នៅក្នុងផ្នែកបញ្ចេញមតិ អ្នកលេងអ៊ីនធឺណេតកូរ៉េ មានការភ្ញាក់ផ្អើលយ៉ាងខ្លាំង ដោយសារតែមនុស្សជាច្រើនជឿថា គម្លាតអាយុនឹងធ្ងន់ធ្ងរពេក ដោយសារតែភាពខុសគ្នានៃជំនាន់ពួកគេ។ ប៉ុន្តែអ្នកខ្លះមានការសង្ស័យចំពោះពាក្យចចាមអារ៉ាមដែលបានធ្វើឡើងនៅក្នុងការពិភាក្សា ខណៈដែលអ្នកផ្សេងទៀតទន្ទឹងរង់ចាំការលាតត្រដាងនាពេលខាងមុខវិញ។

ដោយឡែកងាកទៅកាន់អ្នក​គាំទ្រ​អន្តរជាតិឯណោះវិញ បានបញ្ចេញមតិខុសពីខាងកូរ៉េ​ ដោយពួកគេបាននិយាយដូចគ្នាថា ​តើតារា​ប្រុសជំនាន់ទី២និងតារាស្រី​ជំនាន់​ទី​៤រូប​ណា ​ដែល​នឹង​ត្រូវ​លាតត្រដាង​នាឆ្នាំ២០២៤។ ប៉ុន្តែយ៉ាងណាក៏គិតថា ពួកគេសក្តិសមជាបេក្ខភាបំផុតនៅក្នុងពាក្យចចាមអារ៉ាមដែលកំពុងផ្សព្វផ្សាយនាបច្ចុប្បន្ននេះខ្លាំងជាងអ្នកមុនៗ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖តើ​តារា​រូប​ណា​ខ្លះ​ដែល Dispatch នឹង​បង្ហាញ​ខ្លួន​ជា​គូស្នេហ៍​ថ្មី​នៅ​ថ្ងៃ​ទី ១ ខែ​មករា?