ញាក់សាច់! កុយ អេនណា ចេញប្លង់ស្រើបស្រាល​ថតជាមួយសត្វពស់ត្រៀមស្វាគមន៍ឆ្នាំថ្មី

ទស្សនិកជន និងអ្នកនិយមប្រើប្រាស់បណ្តាញហ្វេសប៊ុកផ្ទុះការចាប់អារម្មណ៍ហើយបន្តការស៊ែរចែកចាយនៅលើបណ្តាញសង្គមបន្ទាប់ពីឃើញសកម្មភាពថតស្រើបស្រាលប្រឡែងលេងជាមួយសត្វពស់ពីសំណាក់បវរកញ្ញា កុយ អេនណា ។

តាមរយ:រូបភាព និងវីដេអូដែលត្រូវបានបង្ហោះចែករំលែកនៅលើបណ្តាញសង្គមនៅថ្ងៃទី២៩ ខែធ្នូ ឆ្នាំ២០២៣ គេឃើញកញ្ញា កុយ អេនណា បវរកញ្ញាលំដាប់រងទី១ ក្នុងកម្មវិធី Miss Grand Cambodia2023 បានចាប់សត្វពស់មកថតដោយមិនមានភាពភ័យក្លាចឡើយ។ ក្នុងសកម្មភាពនេះដែរសម្រាប់ កុយ អេនណា ហាក់មានភាពក្លាហានជាមួយការសម្ញែងសម្រស់ដ៏សិចស៊ីស្រឡូនទៀតផង។

កុយ អេនណា បានបង្ហោះភ្ជាប់ខ្លឹមសារថា“តិចច្រឡំថតរឿងចៅពស់កេងកង……ចាស់ៗពីដើមនិយាយថា យល់សប្តិឃើញពស់ជិតដល់គូរ ដល់ព្រឹកឡើងគូរមករកមែន ?”។ ឃើញដូច្នេះមានអ្នកគាំទ្រខ្លះបានសរសើរពីភាពក្លានហានរបស់នាង ដែលហ៊ានថតលក្ខណ:សិចស៊ីប្រឡែងលេងជាមួយសត្វពស់ដោយមិនខ្លាច។

យ៉ាងណាជាមួយគ្នានេះមានការលើកឡើងទៀតថា កុយ អេនណា បញ្ចេញរូបសម្រាប់បិទឆ្នាំចាស់​ស្អាតណាស់​កាន់តែហឹរ​កាន់តែជឿជាក់។

គួរកត់សម្គាល់ថា បន្ទាប់ពីសាងកេរ្តិ៍ឈ្មោះល្បីវិស័យបវរកញ្ញាស្រីស្អាត កុយ អេនណា គឺមានឱកាសច្រើនដោយលេចវត្តមាននៅតាមបណ្តាកម្មវិធីតូចធំនានាបន្តបន្ទាប់ ខណ:ដែលរូបសម្រស់របស់នាងនៅតែស្រស់ស្អាតសម្រាប់អ្នកគាំទ្រ៕

អត្ថបទ៖ ចាន់រ៉ា