ស្ងប់ស្ងាត់រាងយូរក្រែល Taew បង្អួតសម្រស់សិចស៊ីទ្វេមុន ក្នុងន័យបង្អួតភ្នែកញាតិ

អ្នកទស្សនារឿងភាគថៃប្រាកដជាស្គាល់យ៉ាងច្បាស់ពី តារាសម្ដែងស្រីពេញដោយទេព​កោសល្យ​ Taew Natapohn តាមរយៈតួអង្គព្រះម៉ែនាគា ហើយនាពេលថ្មីៗនេះ នាងបានបង្ហោះរូបភាពជាច្រើនសន្លឹកលើគណនីផ្ទាល់ខ្លួន សុទ្ធតែសិចស៊ីទាក់ភ្នែកទស្សនិកជន បន្ទាប់ពីស្ងប់ស្ងាត់មួយរយៈធំពុំសូវចេញមុខចេញមាត់លើបណ្ដាញសង្គមដូចពីមុន។

យោងតាមការចុះផ្សាយពីសារព័ត៌មាន Sanook បានបញ្ចាក់ឲ្យដឹងថា​ ថ្វីបើមិនសូវបង្ហាញមុខលើបណ្ដាញអ៉ិនធើណេតញឹកញាប់ដូចពីមុនក្ដី​ ប៉ុន្តែភាពល្បីល្បាញរបស់នាងមិនបានថមថយទៅណាឡើយ។ ក្នុងពេលប៉ុន្មានថ្ងៃនេះតារាស្រី Taew បង្អួតសម្រស់សិចស៊ីពេកក្រៃ លើគណនី Instagram ដើម្បីអបអរប្រតិទិនឆ្នាំ ២០២៤។

តារាសម្តែងប្រចាំប៉ុស្តិ៍លេខ៣ បានផ្លាស់ប្តូររូបភាពធ្លាប់តែថតបែបសុភាពៗ ទៅរូបភាពសិចស៊ី លិចលើលិចក្រោម ដោយគ្រាន់តែយកផ្កាមកធ្វើជាសំលៀកបំពាក់បិតបាំងរាងកាយតូចស្ដើងរបស់នាងតែប៉ុណ្ណោះ។ យ៉ាងណាក៏ដោយ រូបថតប៉ុន្មានសន្លឹកនោះបាន​ធ្វើឲ្យមាន​ការ​ភ្ញាក់​ផ្អើល​ជា​ខ្លាំង សូម្បីតែមិត្តរួមអាជីពសិល្បៈជាច្រើនក៏សម្រុកចូលមកបញ្ចេញមតិសឹងមិនជឿនឹងភ្នែកខ្លួនឯងផង។

មិនត្រឹមតែរូបភាពសិចស៊ីប៉ុណ្ណឹងទេដែល Taew Natapohn​ បានបង្អួតសាច់ចែកជូនភ្នែកញាតិ ក្នុងនោះមហាជនប្រុស្រីជាច្រើនបានឃើញនូវរូបភាពផ្សេងៗទៀតក្នុងស្ទីលកាចៗគួរឲ្យកត់សម្គាល់ ខណៈដែលអ្នកគាំទ្រសឹងមិនធ្លាប់ឃើញពីមុនម​កសោះឡើយ។

អ្វីដែលកាន់តែចាប់អារម្មណ៍ខ្លាំងនោះគឺរាល់រូបភាពនីមួយៗរបស់នាង សុទ្ធតែជារូបភាពកាច់ស្ទាយបែបហ្វេសិន ទទួលបានការកោតសរសើរព្រមៗគ្នាពីសំណាក់អ្នកទស្សនាជាច្រើន។ លើសពីនេះថែមទៀត អ្នកគាំទ្រហាក់យល់ស្របថា Taew ដូចជាមិនប្ដូរផ្លាស់មុខមាត់ទេ បើទោះជានាងមានវ័យជាង៣៤ឆ្នាំហើយយ៉ាងណាក៏ដោយ៕

សូមទស្សនារូបភាពខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម