ព័ត៌មានអន្ដរជាតិ
ត្រាំប្រាប់ថា លោកស៊ីអាចជួយបញ្ចុះបញ្ចូលរុស្ស៊ីឲ្យបញ្ចប់សង្គ្រាមអ៊ុយក្រែន
ប្រធានាធិបតីអាមេរិក លោក ដូណាល់ ត្រាំ បានបង្ហាញការជឿជាក់ថា សមភាគីចិន លោក ស៊ី ជីនពីង អាចដើរតួយ៉ាងសំខាន់ក្នុងការបញ្ចុះបញ្ចូលមេដឹកនាំរុស្ស៊ី លោក វ៉្លាឌីមៀរ ពូទីន ឲ្យបញ្ចប់សង្រ្គាមនៅអ៊ុយក្រែន មុនពេលកិច្ចប្រជុំដែលបានគ្រោងទុកនៅចុងសប្តាហ៍ក្រោយក្នុងប្រទេសកូរ៉េខាងត្បូង។
យោងតាមការចុះផ្សាយរបស់ Anadolu កាលពីថ្ងៃទី២៣ខែតុលាឆ្នាំ២០២៥ លោកត្រាំ បានប្រាប់អ្នកយកព័ត៌មាននៅក្នុងការិយាល័យរាងពងក្រពើថា «ខ្ញុំគិតថា គាត់អាចមានឥទ្ធិពលយ៉ាងខ្លាំងលើលោកពូទីន…ហើយយើងពិតជានឹងកំពុងនិយាយអំពីរុស្ស៊ី-អ៊ុយក្រែន»។
លោកត្រាំ បានបញ្ជាក់ថា លោកនឹងជួបលោកស៊ី ក្នុងអំឡុងពេលដំណើរទស្សនកិច្ចរបស់លោកទៅកាន់តំបន់អាស៊ីនាពេលខាងមុខ ដែលរួមបញ្ចូលទាំងដំណើរទស្សនកិច្ចទៅកាន់ប្រទេសម៉ាឡេស៊ី និងប្រទេសជប៉ុនផងដែរ។ មេដឹកនាំអាមេរិកបានលើកឡើងថា «នៅក្នុងប្រទេសកូរ៉េខាងត្បូង ខ្ញុំនឹងជួបជាមួយប្រធានាធិបតី ស៊ី នៃប្រទេសចិន។ យើងអាចដោះស្រាយសំណួរ ចម្ងល់ និងទ្រព្យសម្បត្តិដ៏ច្រើនរបស់យើងរួមគ្នា»។
ប្រធានាធិបតីអាមេរិកបានពណ៌នាទំនាក់ទំនងរបស់លោកជាមួយលោកស៊ីថាល្អណាស់ ហើយបានប្រាប់ថា ការពិភាក្សានាពេលខាងមុខរបស់ពួកគេនឹងមានរយៈពេលវែងគួរសម។
បើតាម BBC សេតវិមានបានបញ្ជាក់ថា លោកត្រាំ នឹងជួបសមភាគីចិនក្នុងប្រទេសកូរ៉េខាងត្បូងនាថ្ងៃទី៣០ខែតុលា នៅក្រៅកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC)៕
ដោយ៖ ឈាង
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៧ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៧ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន