ព័ត៌មានអន្ដរជាតិ
ប្រធានាធិបតីអ៊ីរ៉ង់ ទាមទារលុយបង្កក ៦ប៊ីលានដុល្លារនៅកាតា និងបន្តចម្រាញ់ធាតុអ៊ុយរ៉ាញ៉ូម
ក្រោយកិច្ចព្រមព្រៀងសហរដ្ឋអាមេរិក-អ៊ីរ៉ង់ជិតឈានចូលទីបញ្ចប់ ប្រធានាធិបតីអ៊ីរ៉ង់ លោក Masoud Pezeshkian លើកឡើងថា ទ្រព្យសម្បត្តិចំនួន ៦ប៊ីលានដុល្លារដែលត្រូវបានបង្កកនៅក្នុងប្រទេសកាតា នឹងត្រូវប្រគល់ជូនទីក្រុងតេហេរ៉ង់វិញ បន្ទាប់ពីឈានដល់កិច្ចព្រមព្រៀងបឋមរវាងអ៊ីរ៉ង់និងសហរដ្ឋអាមេរិក។
លោក Pezeshkian ថ្លែងក្នុងសេចក្តីថ្លែងការណ៍មួយ ផ្សាយដោយទូរទស្សន៍រដ្ឋអ៊ីរ៉ង់ IRIB និងផ្សាយបន្តដោយទីភ្នាក់ងារសារព័ត៌មាន Anadolu កាលពីថ្ងៃអាទិត្យថា៖ « ជាមួយនឹងការចាប់ផ្តើមនៃការចរចាចាប់ពីថ្ងៃនេះតទៅ ទ្រព្យសម្បត្តិចំនួន ៦ប៊ីលានដុល្លារដែលយើងមាននៅក្នុងប្រទេសកាតា ក៏នឹងត្រូវដោះលែង[ឈប់បង្កក] ហើយប្រគល់ជូនប្រទេសរបស់យើងវិញ»។
លោក បន្ថែមថា៖ « អ្វីដែលប្រាកដនោះគឺថា យើងនឹងមិនបោះបង់ចោលសិទ្ធិរបស់យើងក្នុងការបង្កើនជាតិអ៊ុយរ៉ាញ៉ូមឡើយ ហើយភាគីម្ខាងទៀតនឹងត្រូវបង្ខំឱ្យទទួលយកវា»។
ដោយលើកឡើងពីក្តីបារម្ភរបស់ទីក្រុងវ៉ាស៊ីនតោនលើកម្មវិធីនុយក្លេអ៊ែររបស់អ៊ីរ៉ង់ លោក Pezeshkian ឆ្លើយតបថា៖ « អ៊ីរ៉ង់មិនមានបំណងក្នុងការអភិវឌ្ឍអាវុធនុយក្លេអ៊ែរនោះទេ»។
ប្រធានាធិបតីអ៊ីរ៉ង់សង្កត់ធ្ងន់ថា៖ « នេះមិនមែនជាបញ្ហាថ្មីទេ ហើយវាត្រូវបានលើកឡើងដោយមេដឹកនាំបដិវត្តន៍អ៊ីរ៉ង់ច្រើនឆ្នាំកន្លងមកហើយ»។
គួរបញ្ជាក់ថា គណៈប្រតិភូសហរដ្ឋអាមេរិក និងអ៊ីរ៉ង់បានទៅដល់ប្រទេសស្វីសសម្រាប់ការចរចាបច្ចេកទេសក្រោមអនុស្សរណៈនៃការយោគយល់គ្នាដែលបើកផ្លូវទៅរកការចរចា និងដែលបានចុះហត្ថលេខាកាលពីថ្ងៃពុធសប្តាហ៍មុន ដើម្បីបញ្ចប់ជម្លោះមជ្ឈិមបូព៌ារយៈពេលជាច្រើនខែ និងបើកច្រកសមុទ្រហ័រមូសឡើងវិញ។
ការចរចានៅសណ្ឋាគារ Burgenstock ប្រទេសស្វីស ដឹកនាំដោយអនុប្រធានាធិបតីសហរដ្ឋអាមេរិក លោក JD Vance និងប្រធានសភាអ៊ីរ៉ង់ លោក Mohammad Bagher Ghalibaf និងរដ្ឋមន្ត្រីការបរទេស Abbas Araghchi ក្រោមការសម្របសម្រួលរបស់ប៉ាគីស្ថាន៕
សម្រួល៖ ណឺ មិនា
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS