ព័ត៌មានអន្ដរជាតិ
Hegseth ច្រានចោលការអះអាង ថា អ៊ីរ៉ង់ មាន «សត្វផ្សោតអត្តឃាត» ដើម្បីបំភ័យនៅច្រកHormuz
រដ្ឋមន្ត្រីការពារជាតិសហរដ្ឋអាមេរិក លោក Pete Hegseth បានច្រានចោលនូវការអះអាងដែលថា ប្រទេសអ៊ីរ៉ង់មាន«សត្វផ្សោតអត្តឃាត (kamikaze dolphins)» ដែលជាការរំលេចឡើងដ៏ភ្នាក់ផ្អើលក្នុងសេចក្តីរាយការណ៍នាពេលថ្មីៗនេះ អំពីយុទ្ធសាស្ត្រដ៏មានសក្ដានុពលរបស់អ៊ីរ៉ង់ នៅក្នុងភាពតានតឹងនៅច្រកសមុទ្រនាំចេញប្រេង Hormuz។
លោក រដ្ឋមន្ត្រី Hegseth បាននិយាយក្នុងអំឡុងសន្និសីទសារព័ត៌មាននៅទីស្តីការក្រសួងការពារជាតិដែលគេស្គាល់ថា «មន្ទីរបញ្ចកោណ» កាលពីថ្ងៃអង្គារ ទី៥ ខែឧសភា ថា «ខ្ញុំមិនអាចបញ្ជាក់ ឬបដិសេធថា តើសហរដ្ឋអាមេរិក មានផ្សោតធ្វើអត្តឃាត ឬយ៉ាងណានោះទេ ប៉ុន្តែខ្ញុំអាចបញ្ជាក់បានថា អ៊ីរ៉ង់គឺមិនមានឡើយ»។
ដោយឡែក ប្រធានសេនាធិការចម្រុះ លោក Dan Caine ត្រូវបានគេចោទសួរឲ្យធ្វើអត្ថាធិប្បាយ ជុំវិញរបាយការណ៍ដែលថា កងកម្លាំងអ៊ីរ៉ង់មានប្រភេទសត្វផ្សោតអត្តឃាតពិតមែន ឬយ៉ាងណា។ លោក ឧត្តមសេនីយ៍ Caine បានអះអាងថា «ខ្ញុំមិនដែលបានឮអំពីរឿងសត្វផ្សោតអត្តឃាត នោះទេ។ វាហាក់ដូចជាសត្វឆ្លាមដែលមានបំពាក់កាំរស្មីឡាស៊ែរអញ្ចឹងមែនទេ?» ដែលនេះ គឺជាការរំលឹកទៅដល់អាវុធក្នុងរឿងនិទានប្រឌិតពីខ្សែភាពយន្ត «Austin Powers»។
កាលពីថ្ងៃទី ៣០ ខែមេសា កាសែត The Wall Street Journal បានស្រង់សម្តីមន្ត្រីអ៊ីរ៉ង់មិនបញ្ចេញឈ្មោះដែលបានលើកឡើងថា ប្រទេសនេះអាចនឹងដាក់ពង្រាយអាវុធដែលមិនធ្លាប់ប្រើក្នុងសមរភូមិពីមុនមក ដើម្បីវាយប្រហារលើនាវាចម្បាំងអាមេរិក ចាប់តាំងពីនាវាមុជទឹក រហូតដល់សត្វផ្សោតផ្ទុកគ្រាប់មីន។ រឿងនេះបានបង្កឲ្យមានការជជែកដេញដោលអំពីលទ្ធភាពនៃការប្រើប្រាស់ដ្រូនផ្សោត ជាអាវុធអត្តឃាត។
ពាក្យចចាមអារ៉ាមដែលថា ទីក្រុងតេហេរ៉ង់មានសមត្ថភាពបង្វឹកសត្វផ្សោតអត្តឃាត ត្រូវបានគេលើកយកមកនិយាយអស់រយៈពេលជាងមួយទសវត្សរ៍មកហើយ ដោយវាមានប្រភពចេញពីរបាយការណ៍ដែលថា អ៊ីរ៉ង់បានទិញសត្វផ្សោតដែលត្រូវបានបង្វឹកដោយកងទ័ពជើងទឹកសូវៀត ដើម្បីវាយប្រហារលើនាវា និងនាវាមុជទឹក។
ជាក់ស្ដែង សូម្បីតែកងទ័ពជើងទឹកអាមេរិកបានបង្វឹកសត្វថនិកសត្វសមុទ្រជាយូរមកហើយ សម្រាប់បេសកកម្មនានា ដូចជាការស្វែងរកគ្រាប់មីនក្រោមទឹក និងការតាមដានអ្នកហែលទឹកលបចូល (អ្នកមុជទឹក) ហើយកម្មវិធីរបស់សូវៀតក្នុងអំឡុងសម័យសង្រ្គាមត្រជាក់ ក៏បានធ្វើការពិសោធន៍លើការប្រើប្រាស់ក្នុងគោលដៅវាយប្រហារខ្លាំងក្លាជាងនេះផងដែរ៕
អត្ថបទ៖ សាង ស្រីល័ក្ខ
-
ព័ត៌មានជាតិ១ សប្តាហ៍ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៦ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ៧ ថ្ងៃ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា១៦ ម៉ោង agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៦ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
កីឡា៤ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានអន្ដរជាតិ១៤ ម៉ោង agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន