ព័ត៌មានអន្ដរជាតិ

អ៊ីរ៉ាក់មិននៅស្ងៀម ព្រោះតែអ៊ីស្រាអែលដាក់មូលដ្ឋានទ័ពលើទឹកដីខ្លួនវាយអ៊ីរ៉ង់

បានផុស

២ ខែ មុន

នៅ

ថ្ងៃអង្គារ ១២ ឧសភា ២០២៦

ដោយ

គិតត្រឹមខែឧសភា ឆ្នាំ២០២៦ ប្រទេសអ៊ីរ៉ាក់កំពុងរងការចោទប្រកាន់យ៉ាងធ្ងន់ធ្ងរទាក់ទងនឹងសកម្មភាពរបស់យោធាអ៊ីស្រាអែលសាងសង់មូលដ្ឋានទ័ពលើទឹកដីនិងក្នុងដែនអាកាសរបស់ខ្លួន ខណៈរបាយការណ៍មួយចំនួនចោទប្រកាន់ពីមូលដ្ឋានទ័ពសម្ងាត់របស់អ៊ីស្រាអែលនៅវាលខ្សាច់អ៊ីរ៉ាក់ តែត្រូវបានបដិសេធដោយមន្ត្រីអ៊ីរ៉ាក់។

មិនតែប៉ុណ្ណោះ អ៊ីរ៉ាក់ថែមទាំងរាយការណ៍ជាផ្លូវការទៅកាន់អង្គការសហប្រជាជាតិ(UN) ថា អ៊ីស្រាអែលកំពុងប្រើប្រាស់ដែនអាកាសរបស់ខ្លួន វាយប្រហារអ៊ីរ៉ង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត្តាសំខាន់គួរកត់សម្គាល់ដែលបង្ហាញឲ្យឃើញនូវសកម្មភាពរបស់អ៊ីស្រាអែល

នៅថ្ងៃទី៩ ខែឧសភា ឆ្នាំ២០២៦ កាសែត The Wall Street Journal រាយការណ៍ថា អ៊ីស្រាអែលបានបង្កើតមូលដ្ឋានយោធាសម្ងាត់មួយនៅភាគខាងលិចប្រទេសអ៊ីរ៉ាក់ ដើម្បីគាំទ្រការវាយប្រហារតាមអាកាសប្រឆាំងនឹងអ៊ីរ៉ង់ ដោយអះអាងថា កងកម្លាំងពិសេសអ៊ីស្រាអែលត្រូវបានដាក់ពង្រាយនៅទីនោះ។

ក្រោយមានសេចក្តីរាយការណ៍នោះ មន្ត្រីសន្តិសុខជាន់ខ្ពស់អ៊ីរ៉ាក់ម្នាក់បានប្រាប់ទីភ្នាក់ងារសារព័ត៌មាន Anadolu នៅថ្ងៃទី១០ ខែឧសភា ឆ្នាំ២០២៦ ថា សេចក្តីរាយការណ៍អំពីមូលដ្ឋានសម្ងាត់របស់អ៊ីស្រាអែលនៅលើទឹកដីអ៊ីរ៉ាក់គឺជាងរឿងមិនពិតនោះទេ។

ប្រភពមួយទៀតបានកត់សម្គាល់ថា ខណៈយោធាអ៊ីរ៉ាក់ស៊ើបអង្កេត ឧបករណ៍រំខាន និងឧបករណ៍ព្រមានជាមុននៅវាលខ្សាច់ Najaf គ្មានមូលដ្ឋានបរទេសណាមួយនៅសល់ទេ ទោះបីជាពួកគេបានទទួលស្គាល់ឧប្បត្តិហេតុខែមីនា ឆ្នាំ២០២៦ មានទាហានអ៊ីរ៉ាក់ម្នាក់ត្រូវបានសម្លាប់ក៏ដោយ។

ជាមួយគ្នានោះ សេចក្តីរាយការណ៍ទាំងនោះបានបង្កឱ្យមានភាពចលាចលនៅទីក្រុង Baghdad ជំរុញឱ្យសភាកោះហៅរដ្ឋមន្ត្រីសន្តិសុខមកសួរចម្លើយ។

ដើម្បីដោះខ្លួនពីការចោទប្រកាន់ទម្លាក់កំហុសពីភាគីអ៊ីរ៉ង់ ប្រទេសអ៊ីរ៉ាក់បានរាយការណ៍ករណីនេះទៅកាន់អង្គការសហប្រជាជាតិជាផ្លូវការ ថាអ៊ីស្រាអែលរំលោភលើដែនអាកាសរបស់ខ្លួន ប៉ុន្តែបដិសេធលើមូលដ្ឋានសម្ងាត់ដែលលើកឡើង ខណៈក៏ទទួលស្គាល់ប្រតិបត្តិការផ្លូវអាកាសនិងឧបករណ៍រំខានមិនធម្មតាត្រូវបានរកឃើញនៅវាលខ្សាច់ភាគខាងលិចផងដែរ៕

ប្រែដោយ៖ ណឺ មិនា