ព័ត៌មានអន្ដរជាតិ

បុរសចិនម្នាក់លក់កូនអាយុ២ឆ្នាំយកលុយដើរលេងជាមួយស្រីថ្មី

បានផុស

៥ years មុន

នៅ

ថ្ងៃចន្ទ ៣ ឧសភា ២០២១

ដោយ

ប៉ូលិសនៅភាគខាងកើតខេត្ត Zhejiang ប្រទេសចិនបានឃុំខ្លួនបុរសម្នាក់ពីបទចោទប្រកាន់លក់កូនប្រុសបង្កើតរបស់ខ្លួនអាយុ២ឆ្នាំ និងយកលុយដើរលេងកម្សាន្តជាមួយប្រពន្ធថ្មីនៅក្នុងប្រទេស។ នេះបើតតាមការចេញផ្សាយសារព័ត៌មានក្នុងស្រុក។

សារព័ត៌មាន Zhejiang Legal Daily បានចេញផ្សាយកាលពីថ្ងៃពុធ ទី២៨ ខែមេសា កន្លងទៅនេះថា បុរសដែលមានត្រកូល Xie បានឈ្លោះប្រកែកជាមួយប្រពន្ធថ្មី និងត្រូវបានចោទប្រកាន់ពីបទលក់កូនឈ្មោះហៅក្រៅ Jiajia ដើម្បីសម្រាលបន្ទុកថែទាំកុមារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសនេះមានកូនពីរនាក់ ប៉ុន្តែនៅពេលលែងលះជាមួយប្រពន្ធដើម គាត់ជាអ្នកទទួលបន្ទុកចិញ្ចឹមកូនប្រុសនោះ។ ចំណែកប្រពន្ធយកកូនស្រី។

ទោះបីជាយ៉ាង ដោយសារ Xie ត្រូវធ្វើការឆ្ងាយ គាត់បានទុកកូនឲ្យនៅជាមួយប្អូនប្រុសឈ្មោះ Lin និងសមាជិកគ្រួសារផ្សេងទៀតនៅទីក្រុង Huzhou។ ប្រភពសារព័ត៌មានបានផ្សាយថា កាលពីខែមុន Xie បានមកយកកូនទៅ និងប្រាប់គ្រួសារថា ម្តាយរបស់កូនចង់ជួបមុខ។

ប៉ុន្មានថ្ងៃក្រោយមក ប្អូនប្រុសឈ្មោះ Lin បានរង់ចាំដោយមិនឃើញបងប្រុសនាំយកឃើញក្មួយប្រុសមកផ្ទះវិញ ហើយបងប្រុសក៏មិនបានប្រាប់អ្វីទាំងអស់នៅពេលសួរតាមសារ ដូច្នេះក៏ប្រាប់ទៅប៉ូលិស។

ប៉ូលិសបាននិយាយថា ពួកគេបានស៊ើបដឹងថា ឪពុកឈ្មោះ Xie បានលក់កូនទៅឲ្យប្តីប្រពន្ធមួយគូដែលគ្មានកូននៅទីក្រុង Changshu ក្នុងខេត្ត Jiangsu ក្នុងតម្លៃ៣២,៤១០ដុល្លារអាមេរិក ហើយបានយកលុយទៅដើរលេងកម្សាន្តយ៉ាងសប្បាយរីករាយជាមួយប្រពន្ធថ្មី។

គ្រួសារដែលទិញកូននៅ Jiangsu ឥឡូវនេះក៏ប្រឈមនឹងវិធានការខាងព្រហ្មទណ្ឌដែរ ហើយក្មេងប្រុស Jiajia ត្រូវបានយកទៅឲ្យពូរបស់គេវិញហើយ៕

ប្រែសម្រួល៖ វីរបុត្រ
ប្រភព៖ scmp

Related Topics:ប្រទេសចិន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា