ព័ត៌មានអន្ដរជាតិ
អ្នកវិភាគ៖ អ៊ីស្រាអែលនឹងធ្វើសង្រ្គាមជាមួយអេហ្ស៊ីប នៅ១៥ឆ្នាំ ខាងមុខ
សកម្មជនស៊ីយ៉ូន (Zionist)ដែលសំដៅដល់អ៊ីស្រាអែលសព្វថ្ងៃនេះ ម្នាក់ដ៏លេចធ្លោ បានព្យាករណ៍ថា អ៊ីស្រាអែល នឹងធ្វើសង្គ្រាមជាមួយប្រទេសអេហ្ស៊ីបក្នុងរយៈពេល ១៥ឆ្នាំ ខាងមុខ ដោយអះអាងថា បញ្ហាប្រឈមជាយុទ្ធសាស្ត្របន្តបន្ទាប់របស់ប្រទេសនេះនឹងមកពីមហាអំណាចមូស្លីមនិកាយស៊ុននី បន្ទាប់ពីការចុះខ្សោយរបស់អ៊ីរ៉ង់ និងសម្ព័ន្ធមិត្តក្នុងតំបន់។
( សូមបញ្ជាក់ថា មូស្លីមនិកាយស៊ុននី គឺជាក្រុមមនុស្សដ៏ធំបំផុតនៃសាសនាអ៊ីស្លាម ចំនួនប្រហែល ៨៥-៩០% នៃចំនួនប្រជាជនមូស្លីមសរុប នៅលើពិភពលោក)។
ថ្លែងក្នុងកិច្ចប្រជុំកំពូលគោលនយោបាយអន្តរជាតិរបស់សមាគមព័ត៌មានជ្វីហ្វ (JNS) នៅក្រុងយេរូសាឡឹម លោក Amiad Cohen នាយកប្រតិបត្តិនៃមជ្ឈមណ្ឌល Herut និងជាឥស្សរជនឈានមុខគេក្នុងជំរំជាតិនិយមរបស់អ៊ីស្រាអែល បានព្រមានថា អេហ្ស៊ីប និងតួកគី បង្កការគំរាមកំហែងរយៈពេលវែងដល់អ៊ីស្រាអែលនិងបស្ចិមលោកដ៏ទូលំទូលាយ។ នេះបើយោងតាមការចុះផ្សាយរបស់សារព័ត៌មាន Middle East Monitor នៅថ្ងៃទី២២ ខែមិថុនា ឆ្នាំ២០២៦ ។
លោក Cohen ប្រាប់អ្នកចូលរួមនៅឯកិច្ចប្រជុំកំពូល បន្ទាប់ពីបានព្យាករណ៍ថា៖ « នៅទីបញ្ចប់ ក្រុមបងប្អូនមូស្លីមនឹងដណ្តើមយកអេហ្ស៊ីប។ ក្នុងរយៈពេល ១៥ឆ្នាំទៀត អ៊ីស្រាអែលនឹងធ្វើសង្គ្រាមជាមួយអេហ្ស៊ីប»។
ការកត់សម្គាល់របស់ លោក Cohen កើតឡើង អំឡុងពិភាក្សាអំពីទស្សនវិស័យយុទ្ធសាស្ត្ររយៈពេលវែងរបស់អ៊ីស្រាអែល បន្ទាប់ពីការប្រឈមមុខដាក់គ្នាជាមួយអ៊ីរ៉ង់ និងសមាជិកនៃ « អ័ក្សតស៊ូ ឬ Axis of Resistance »។
យោងតាម លោក Cohen ការផ្តោតអារម្មណ៍ពេលនេះ គួរតែផ្លាស់ប្តូរពីកងកម្លាំងស៊ីអ៊ីតទៅជាចលនានយោបាយស៊ុននី។
លោក Cohen ក៏បានចង្អុលបង្ហាញលើប្រទេសតួកគី ថាជាការគំរាមកំហែងដែលកំពុងលេចចេញ ដោយអះអាងថា៖ « ឥឡូវនេះតួកគីកំពុងកាន់កាប់ [ប្រទេសផ្សេងទៀតក្នុងតំបន់]។ ឥទ្ធិពលក្នុងតំបន់ដែលកំពុងកើនឡើងរបស់ទីក្រុងអង់ការ៉ាគួរតែត្រូវបានចាត់ទុកថាជាបញ្ហាប្រឈមជាយុទ្ធសាស្ត្រសម្រាប់អ៊ីស្រាអែល»។
ការកត់សម្គាល់នេះឆ្លុះបញ្ចាំងពីនិន្នាការក្នុងរង្វង់នយោបាយ និងសន្តិសុខរបស់អ៊ីស្រាអែល ចាត់ទុកមហាអំណាចស៊ុននី ជាពិសេស តួកគី និងអេហ្ស៊ីប ជាសត្រូវនាពេលអនាគត។
កាលពីខែមុន ចារកម្មអ៊ីស្រាអែលដែលត្រូវបានកាត់ទោស គឺ លោក Jonathan Pollard ព្រមានថា ប្រទេសតួកគី និងអេហ្ស៊ីបអាចក្លាយជាគោលដៅបន្ទាប់របស់អ៊ីស្រាអែល បន្ទាប់ពីអ៊ីរ៉ង់ចុះខ្សោយ៕
សម្រួល៖ ណឺ មិនា
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន