ព័ត៌មានអន្ដរជាតិ
ក្រុមសិទ្ធិមនុស្សអាមេរិក ប្តឹងរដ្ឋបាល លោក ត្រាំ ដែលធ្វើយុទ្ធនាការធ្វើឲ្យចុះខ្សោយ តុលាការ ICC
ក្រុមអ្នកតស៊ូមតិចំនួនពីរមានមូលដ្ឋាន នៅសហរដ្ឋអាមេរិក នៅថ្ងៃពុធ បានប្តឹងរដ្ឋបាល លោក ដូណាល់ ត្រាំ ដោយអះអាងថា ទណ្ឌកម្មដែលរដ្ឋបាលនេះដាក់លើតុលាការឧក្រិដ្ឋកម្មអន្តរជាតិ(ICC) កំពុងរំលោភលើការការពារសេរីភាពរបស់រដ្ឋធម្មនុញ្ញ បន្ទាប់ពីមន្ត្រីអាមេរិកបានចាប់ផ្តើមយុទ្ធនាការការទូតមួយនៅសប្តាហ៍នេះ ក្នុងគោលបំណងរុះរើតុលាការនេះ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ នៅថ្ងៃទី១៥ ខែកក្កដា ឆ្នាំ២០២៦ ។
ប្រធានាធិបតីសហរដ្ឋអាមេរិក លោក ដូណាល់ ត្រាំ និងអ្នកនយោបាយអាមេរិកផ្សេងទៀតនិយាយមកជាយូរហើយថា ICC មិនគួរមានសិទ្ធិអំណាចក្នុងការស៊ើបអង្កេត ឬចោទប្រកាន់ជនជាតិអាមេរិកទេ ជាពិសេសសមាជិកយោធា។
ដោយឡែក កាលពីថ្ងៃចន្ទ រដ្ឋបាលនិយាយថា តុលាការនេះបានបង្កការគំរាមកំហែងដល់អធិបតេយ្យភាពរបស់សហរដ្ឋអាមេរិក ថែមទាំងសន្យាថានឹងពង្រីកទណ្ឌកម្ម រួមទាំងការហាមឃាត់ការធ្វើដំណើរសម្រាប់បុគ្គលិក ICC ខណៈក៏បង្កើនសម្ពាធការទូតលើតុលាការដែលមានមូលដ្ឋាននៅទីក្រុងឡាអេទៀតផង។ ការណ៍នេះ បានទាញការរិះគន់ពីសម្ព័ន្ធមិត្តអឺរ៉ុប។
ក្នុងបណ្តឹងដាក់នៅតុលាការសហព័ន្ធមួយក្នុងទីក្រុងញូវយ៉ក អង្គការប្រជាធិបតេយ្យសម្រាប់ពិភពលោកអារ៉ាប់និងសម្ព័ន្ធអ្នកជាប់ពន្ធប្រឆាំងនឹងការប្រល័យពូជសាសន៍ បានព្យាយាមរារាំងបទបញ្ជាប្រតិបត្តិរបស់ លោក ត្រាំ ក្នុងខែកុម្ភៈ ឆ្នាំ២០២៥ ដែលក្រោមច្បាប់នេះ ទណ្ឌកម្មត្រូវបានដាក់លើចៅក្រម ព្រះរាជអាជ្ញា ICC និងក្រុមសិទ្ធិមនុស្សប៉ាឡេស្ទីន ព្រមទាំងអំពាវនាវឱ្យតុលាការស៊ើបអង្កេតលើការចោទប្រកាន់ថា សហរដ្ឋអាមេរិក និងអ៊ីស្រាអែលអាចបានប្រព្រឹត្តបទឧក្រិដ្ឋសង្គ្រាមនៅហ្គាហ្សា។
លោក Omar Shakir នាយកប្រតិបត្តិនៃលទ្ធិប្រជាធិបតេយ្យសម្រាប់ពិភពលោកអារ៉ាប់ និយាយក្នុងសេចក្តីថ្លែងការណ៍មួយថា រដ្ឋបាល លោក ត្រាំ មិនត្រឹមតែកំពុងប្រើប្រាស់ឧបករណ៍ទណ្ឌកម្មសេដ្ឋកិច្ចដ៏ច្បាស់លាស់ ដើម្បីដាក់ទណ្ឌកម្មអ្នកការពារសិទ្ធិមនុស្សប៉ុណ្ណោះទេ ប៉ុន្តែថែមទាំងគ្រប់គ្រងការបញ្ចេញមតិនយោបាយរបស់ជនជាតិអាមេរិករាប់លាននាក់ទៀតផង៕
សម្រួល៖ ណឺ មិនា
-
កីឡា២ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៣ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៦ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ សប្តាហ៍ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម១ សប្តាហ៍ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ២ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
ព័ត៌មានជាតិ៣ ថ្ងៃ agoអភិបាលរង៖ជម្រកបណ្ដោះអាសន្ននៅភូមិរងចាំសរុប៣៣១៣ខ្នង នឹងសាងសង់រួចទាំងអស់ត្រឹមដំណាច់ខែកក្កដានេះ
-
ព័ត៌មានជាតិ១ សប្តាហ៍ agoអគ្គនាយករងគយ ឆ្លើយតបភាពយឺតយ៉ាវក្នុងការរត់ឯកសារបែបបទ នាំទំនិញចេញចូលប្រទេសកម្ពុជា