ព័ត៌មានអន្ដរជាតិ
ឥណ្ឌា ថា លំហាត់ប្រាណ យោគៈ ជាខែលការពារជំងឺកូវីដ-១៩
នៅទិវាយោគៈអន្តរជាតិលើកទី៧ នាយករដ្ឋមន្រ្តីឥណ្ឌាលោក Narendra Modi បាននិយាយនៅថ្ងៃចន្ទនេះថា លំដាប់ប្រាណបែបបុរាណរបស់ឥណ្ឌាមួយនេះ នៅតែជា “កាំរស្មីនៃក្តីសង្ឃឹម” និងជាប្រភពកម្លាំងសម្រាប់ប្រជាជនក្នុងការប្រយុទ្ធប្រឆាំងនឹងការរីករាលដាលនៃជំងឺកូវីដ-១៩។
លោកនាយករដ្ឋមន្រ្តីនិយាយថា អ្នកប្រយុទ្ធជួរមុខនិងក្រុមគ្រូពេទ្យ បានប្រាប់លោកថា ពួកគេបានយកលំហាត់ប្រាណយោគៈ ធ្វើជា “ខែលការពារ” ខណៈពេលប្រយុទ្ធប្រឆាំងនឹងជំងឺរាតត្បាតនេះ។
ស្របពេលជាមួយគ្នានោះ លោក Modi ក៏បានប្រកាសផងដែរថា ដោយមានការសហការជាមួយអង្គការសុខភាពពិភពលោក (WHO), ប្រទេសឥណ្ឌា បានបោះជំហានដ៏សំខាន់មួយទៀត ខណៈពិភពលោកនឹងទទួលបានកម្មវិធីទូរស័ព្ទដៃឈ្មោះថា M-Yoga ដែលនឹងមានវីដេអូជាច្រើនបង្ហាញពីការហាត់យោគៈ មានប្រែសម្រួលជាភាសាផ្សេងៗគ្នា។
ដោយចាត់ទុកនេះថាជាឧទាហរណ៍ដ៏ល្អមួយ នៃការលាយបញ្ចូលគ្នារវាងបច្ចេកវិទ្យាទំនើបនិងវិទ្យាសាស្ត្របុរាណ, លោកនាយករដ្ឋមន្រ្តីបានសម្តែងក្តីសង្ឃឹមថា កម្មវិធី M-yoga នឹងជួយ ផ្សព្វផ្សាយលំហាត់ប្រាណយោគៈដល់ពិភពលោក និងរួមចំណែកដល់កិច្ចខិតខំប្រឹងប្រែង “ពិភពលោកមួយ សុខភាពមួយ”។
និយាយអំពីតួនាទីរបស់យោគៈ ក្នុងអំឡុងពេលមានជំងឺរាតត្បាត, លោក Modi បាននិយាយថា មានករណីជាច្រើនថា លំហាត់ប្រាណយោគៈដែលធ្វើឡើងដោយវេជ្ជបណ្ឌិតនិងគិលានុបដ្ឋាយិកានៅតាមមន្ទីរពេទ្យនិងអ្នកជំនាញ កំពុងសង្កត់ធ្ងន់លើសារៈសំខាន់នៃលំហាត់ដកដង្ហើម ក្នុងការពង្រឹងប្រព័ន្ធដង្ហើម។
លោក Modi បន្តថា “នៅពេលមួយដែលពិភពលោកទាំងមូលកំពុងប្រយុទ្ធប្រឆាំងនឹងការឆ្លងរាតត្បាតកូវីដ-១៩ យោគៈនៅតែជាក្តីសង្ឃឹមមួយ។ យោគៈ ជួយប្រជាជនឲ្យមានទំនុកចិត្តនិងកម្លាំង ដើម្បីប្រយុទ្ធប្រឆាំងនឹងរោគរាតត្បាតទូទាំងពិភពលោក”៕
ប្រែសម្រួលៈ Vann Vann
ប្រភព៖ Economic Times
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ