ព័ត៌មានអន្ដរជាតិ
ពលរដ្ឋ ឥណ្ឌា នៅតែជួបជុំងូតទឹកទន្លេគង្គា ក្នុងពិធីបុណ្យសាសនាមួយទៀត ដោយជឿថា ព្រះចុះពីលើមេឃមកផែនដីជួយការពារកូវីដ
ប្រជាជនឥណ្ឌារាប់លាននាក់នៅតែបន្តទៅងូតទឹកនៅទន្លេគង្គា ក្នុងស្រុក Hapur នៃរដ្ឋ Uttar Pradesh ក្នុងឱកាសនៃពិធីបុណ្យហិណ្ឌូ Ganga Dussehra កាលពីថ្ងៃអាទិត្យ ទោះបីជាមានការហាមឃាត់មិនឲ្យមានការជួបជុំជាសាធារណៈ ដែលប្រកាសដោយរដ្ឋាភិបាលរដ្ឋក៏ដោយ ។
រឿងនេះកើតឡើង បន្ទាប់ពីពិធីបុណ្យហិណ្ឌូមួយទៀត Kumbh Mela ដែលជាការធ្វើធម្មយាត្រា និងពិធីបុណ្យដ៏ធំមួយ ដែលបានប្រារព្ធធ្វើឡើងនៅស្រុក Haridwar ក្នុងរដ្ឋ Uttarakhand ក្នុងខែមេសាឆ្នាំនេះត្រូវបានគេនិយាយថា ជាហេតុផលសំខាន់មួយសម្រាប់ការរីករាលដាលយ៉ាងឆាប់រហ័ស រលកទីពីរនៃជំងឺកូវីដ ១៩ ។
ទោះបីជារដ្ឋាភិបាលរដ្ឋ Uttar Pradesh បានអនុញ្ញាតឲ្យបើកផ្សារទំនើប និងភោជនីយដ្ឋាននៅក្នុងរដ្ឋនេះ បន្ទាប់ពីបិទរយៈពេល ២ ខែក៏ដោយ ក៏រដ្ឋបាលស្រុកបានហាមឃាត់ការងូតទឹកនៅទន្លេគង្គា ក្នុងពិធីបុណ្យ Ganga Dussehra នេះ ។
រដ្ឋាភិបាលរដ្ឋបានប្រាប់ថា “តាមគោលការណ៍ណែនាំរបស់រដ្ឋាភិបាល មានតែមនុស្ស ៥ នាក់ប៉ុណ្ណោះដែលត្រូវបានអនុញ្ញាតក្នុងពេលតែមួយ នៅកន្លែងពិធីសាសនា ។ ដោយចងចាំពីរឿងនេះ ការងូតទឹកក្នុងអំឡុងពេលបុណ្យ Ganga Dussehra ត្រូវបានហាមឃាត់ ដោយសារតែជំងឺរាតត្បាតកូវីដ ១៩” ។
ក្រៅពីនេះរដ្ឋាភិបាលរដ្ឋ Uttarakhand ក៏បានសម្រេចចិត្តប្រារព្ធពិធីនេះ តាមរបៀបនិមិត្តរូប ហើយព្រំប្រទល់ស្រុក Haridwar ត្រូវបានបិទនៅថ្ងៃបុណ្យនេះផងដែរ ។
គួរបញ្ជាក់ថា ពិធីបុណ្យ Ganga Dussehra គឺជាថ្ងៃដែលព្រះអាទិទេពនៃទន្លេគង្គា បានចុះពីលើមេឃមកផែនដី ។ អ្នកកាន់សាសនាជឿថា ការងូតទឹកទន្លេនៅថ្ងៃបុណ្យនោះ នឹងបំបាត់ចោលនូវអំពើបាបរបស់ពួកគេ ហើយក៏អាចជាសះស្បើយនូវជំងឺខាងរាងកាយផងដែរ ជាពិសេសជំងឺកូវីដ ១៩ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល