ព័ត៌មានអន្ដរជាតិ

រុស្ស៊ីសាកល្បងវ៉ាក់សាំងកូវីដប្រភេទស្ត្រៃយ៍បាញ់តាមច្រមុះ

បានផុស

៥ years មុន

នៅ

ថ្ងៃពុធ ១៣ តុលា ២០២១

ដោយ

ប្រទេសរុស្ស៊ីនឹងសាកល្បងវ៉ាក់សាំងបង្ការកូវីដ-១៩ Sputnik V ប្រភេទស្ត្រៃយ៍បាញ់តាមច្រមុះលើអ្នកស្ម័គ្រចិត្តធំពេញវ័យ។ នេះបើតាមឯកសារបានចេញផ្សាយ ខណៈប្រទេសនេះកំពុងប្រយុទ្ធនឹងវិបត្តិកូវីដដែលទាំងឆ្លងថ្មី និងស្លាប់កើនឡើងជាលំដាប់។

រុស្ស៊ីបានផលិតវ៉ាក់សាំង Sputnik របស់ខ្លួនបានយ៉ាងលឿននៅពេលកូវីដបានផ្ទុះឡើងកាលពីឆ្នាំមុន ប៉ុន្តែការទប់ស្កាត់មិនទាន់ល្អប្រសើរឡើយ ស្របពេលអាជ្ញាធរទីក្រុងជាច្រើនកំពុងមានការព្រួយបារម្ភពីផលិតផលថ្មីរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមឯកសារបានចេញផ្សាយនៅលើបញ្ជីឱសថរបស់រដ្ឋបង្ហាញថា វ៉ាក់សាំងបាញ់តាមច្រមុះត្រូវប្រើពីរដូសនៅក្នុងគ្លីនិកមួយក្នុងទីក្រុង St Petersburg ប៉ុន្តែមិនបានបញ្ជាក់ច្បាស់ពីកាលបរិច្ឆេទនៃការធ្វើតេស្តឡើយ។

លោកប្រធានាធិបតីរុស្ស៊ី វ្លាឌីមៀរ ពូទីន បានឲ្យដឹងកាលពីថ្ងៃអង្គារ៍ថា រុស្ស៊ីត្រូវការពន្លឿនកម្មវិធីចាក់វ៉ាក់សាំងរបស់ខ្លួនដើម្បីប្រឆាំងនឹងកូវីដ-១៩ ខណៈប្រទេសបានកត់ត្រាចំនួនអ្នកស្លាប់ច្រើនបំផុតក្នុងមួយថ្ងៃចាប់តាំងពីវិបត្តិផ្ទុះឡើង។

អាជ្ញាធររុស្ស៊ីបាននិយាយកាលពីខែមិថុនាថា វ៉ាក់សាំងបាញ់តាមច្រមុះរបស់ខ្លួនសម្រាប់កុមារអាយុ៨ដល់១២ឆ្នាំត្រូវបានធ្វើតេស្ត ហើយគ្រោងចាប់ផ្តើមធ្វើការផលិតនៅក្នុងខែកញ្ញា៕

ប្រែសម្រួល៖ វីរបុត្រ
ប្រភព៖ reuters