ព័ត៌មានអន្ដរជាតិ

មន្ត្រីទូតអាមេរិកកំពូលម្នាក់នឹងធ្វើទស្សនកិច្ចប្រទេសអាស៊ាន៤ចាប់ពីថ្ងៃនេះ

បានផុស

៥ years មុន

នៅ

ថ្ងៃសៅរ៍ ២៧ វិច្ឆិកា ២០២១

ដោយ

មន្ត្រីការទូតកំពូលម្នាក់របស់សហរដ្ឋអាមេរិកនឹងធ្វើដំណើរទស្សនកិច្ចមកកាន់ប្រទេសអាស៊ានចំនួន៤ដែលមានឥណ្ឌូណេស៊ី ម៉ាឡេស៊ី សិង្ហបុរី និងថៃចាប់ពីថ្ងៃសៅរ៍នេះទៅ បន្ទាប់ពីលោកប្រធានាធិបតី ចូ បៃដិន បានសន្យាបង្កើនទំនាក់ទំនងជាមួយអាស៊ានដែលជាសមរភូមិដ៏សំខាន់ក្នុងការប្រជែងឥទ្ធិពលជាមួយចិន។

ក្រសួងការបរទេសអាមេរិកបានប្រកាសថា លោក Daniel Kritenbrink ជំនួយការរដ្ឋមន្ត្រីក្រសួងការបរទេសអាមេរិកប្រចាំតំបន់អាស៊ាននឹងចាប់ផ្តើមធ្វើទស្សនកិច្ចពីថ្ងៃសៅរ៍ ទី២៧ ខែវិច្ឆិកានេះ រហូតដល់ថ្ងៃទី៤ ខែធ្នូ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសបាននិយាយថា លោក Kritenbrink នឹងធ្វើការបញ្ជាក់ជាថ្មីនូវការប្តេជ្ញាចិត្តរបស់សហរដ្ឋអាមេរិកដើម្បីធ្វើការរួមគ្នាឆ្ពោះទៅរកការដោះស្រាយពិភពលោកដ៏ធ្ងន់ធ្ងរ និងបញ្ហាប្រឈមក្នុងតំបន់ ហើយសង្កត់ធ្ងន់លើការគាំទ្ររបស់អាមេរិកសម្រាប់សណ្តាប់ធ្នាប់ដែលផ្អែកលើច្បាប់ជាមូលដ្ឋាននៅតំបន់ឥណ្ឌូ-ប៉ាស៊ីហ្វិក។

លោក Kritenbrink នឹងពិភាក្សាលើបញ្ហាប្រឈមសិទ្ធិមនុស្ស ស្វែងរកការបង្កើនកិច្ចសហប្រតិបត្តិការលើការប្រែប្រួលអាកាសធាតុ និងពិភាក្សាពីជម្រើសដើម្បីដាក់សម្ពាធលើរដ្ឋាភិបាលយោធាមីយ៉ាន់ម៉ាដើម្បីបញ្ឈប់ហិង្សា និងអនុញ្ញាតឲ្យកិច្ចការមនុស្សធម៌ចូល។

ជាមួយគ្នានេះ លោកក៏នឹងពិភាក្សាពីរបៀបពង្រឹងទំនាក់ទំនងសេដ្ឋកិច្ច និងការកសាងមធ្យោបាយឲ្យកាន់តែប្រសើរសម្រាប់កម្ចាត់កូវីដ-១៩៕

ប្រែសម្រួល៖ វីរបុត្រ
ប្រភព៖ Reuters

Related Topics:សហរដ្ឋអាមេរិក