ផ្ទុះជំងឺ Lassa​ នៅអាហ្វ្រិក សម្លាប់មនុស្ស ៨០នាក់

មជ្ឈមណ្ឌលគ្រប់គ្រងជំងឺនីហ្សេរីយ៉ា (NCDC) បាននិយាយថា ការស្លាប់មនុស្សសរុប៨០នាក់ ត្រូវបានរាយការណ៍នៅទូទាំងប្រទេស បន្ទាប់ពីការរីករាលដាលនៃជំងឺគ្រុនក្តៅ  Lassa នៅក្នុងប្រទេសអាហ្រ្វិកដែលមានប្រជាជនច្រើនបំផុតមួយនេះ។

សេចក្តីថ្លែងការណ៍របស់ NCDC បាននិយាយកាលពីថ្ងៃព្រហស្បតិ៍ថា ករណីជំងឺគ្រុនក្តៅ  Lassa សរុបចំនួន ៤៣៤ ករណី ត្រូវបានរាយការណ៍ពីរដ្ឋនិងតំបន់រដ្ឋធានីសហព័ន្ធចំនួន ១៧ ក្នុងប្រទេសចន្លោះខែមករាដល់ថ្ងៃទី៨ខែធ្នូ ដែលក្នុងនោះមានអ្នកស្លាប់ចំនួន៨០នាក់។

Lassa គឺជាជំងឺដែលឆ្លងដល់មនុស្សតាមរយៈអាហារ ឬរបស់របរប្រើប្រាស់ក្នុងផ្ទះដែលកខ្វក់ ជាមួយនឹងទឹកនោម ឬលាមកសត្វកណ្តុរ។

NCDC និយាយថា ខ្លួនបានពង្រីកសកម្មភាពរបស់ក្រុមការងារបច្ចេកទេសជំងឺគ្រុនក្តៅ  Lassa ហើយបានបើកដំណើរការមជ្ឈមណ្ឌលប្រតិបត្តិការសង្គ្រោះបន្ទាន់ សម្រាប់ការតាមដាន និងឆ្លើយតបចំពោះជំងឺគ្រុនក្តៅ  Lassa ឲ្យបានត្រឹមត្រូវនៅក្នុងប្រទេស។

គួរបញ្ជាក់ថា ជំងឺគ្រុនក្តៅ  Lassa ឆ្លងនៅពេលដែលទឹកមាត់ ទឹកនោម និងលាមករបស់សត្វកណ្ដុរមកប៉ះជាមួយមនុស្ស។ ក្នុងករណីខ្លះ Lassa មានរោគសញ្ញាស្រដៀងនឹងជំងឺគ្រុនចាញ់ដែរ៕

ប្រែសម្រួល៖ Vann Vann

ប្រភព៖ Xinhua

ចុចអាន៖ លេចចេញជំងឺអាថ៌កំបាំងមួយទៀត ពេលនេះសម្លាប់មនុស្សជិត ១០០នាក់ហើយ