ព័ត៌មានអន្ដរជាតិ
បណ្តុំរូបភាពសោកសង្រេង ក្រោយគ្រោះមហន្តរាយនៅ តុងហ្គា
រូបភាពដ៏គួរឲ្យសោកសង្រេង បានបង្ហាញពីការបំផ្លិចបំផ្លាញ ដែលបង្កឡើងដោយរលកយក្សស៊ូណាមិនៅប្រទេសតុងហ្គា ខណៈដែលភូមិនានាត្រូវបានបំផ្លាញ ហើយផ្ទះសម្បែងត្រូវបាក់ខ្ទេច។
ប្រជុំកោះប៉ាស៊ីហ្វិកភាគខាងត្បូងមួយនេះ ត្រូវបានវាយប្រហារដោយការផ្ទុះភ្នំភ្លើងក្រោមទឹក Hunga Tonga-Hunga Ha’apai កាលពីថ្ងៃសៅរ៍ទី១៥ខែមករា ដែលបណ្តាលឲ្យកើតមានរលកយក្សស៊ូណាមិ នៅប៉ុន្មាននាទីក្រោយមក។
ចំនួនអ្នកស្លាប់ដោយគ្រោះមហន្តរាយនេះ បានកើនឡើងដល់៤នាក់ ខណៈផ្ទះនៅលើកោះ Mango ត្រូវបានបំផ្លាញទាំងស្រុង។
រូបភាពបានបង្ហាញពីអ្នកស្រុកនៅក្នុងភូមិ Kanokupolu លើកោះ Tongatapu សម្លឹងមើលផ្ទះរបស់ពួកគេដែលត្រូវកម្ទេច ផ្ទះខ្លះត្រូវដើមឈើបាក់សង្កត់ ខណៈរថយន្តត្រូវបានគេឃើញកប់នៅក្រោមគំនរមែកឈើ។
ក្រុមអ្នកស្រាវជ្រាវមកពីអង្គការណាសាបានប៉ាន់ប្រមាណថា ការផ្ទុះភ្នំភ្លើងនៅប្រទេសតុងហ្គា គឺមានកម្លាំងស្មើនឹងការផ្ទុះ TNT ១០មេហ្គាតោន ពោលគឺខ្លាំងជាងគ្រាប់បែកនុយក្លេអ៊ែរដែលទម្លាក់លើទីក្រុងហ៊ីរ៉ូស៊ីម៉ាក្នុងឆ្នាំ១៩៤៥ រហូតដល់ទៅ ៥០០ដងឯណោះ។
ការផ្ទុះនេះ ត្រូវបានគេឮរហូតដល់រដ្ឋអាឡាស្កា ដែលមានចម្ងាយ៩,៧៤៤គីឡូម៉ែត្រ ពីភ្នំភ្លើង។
ទន្ទឹមនោះ លោក Michael Poland អ្នកជំនាញភូគព្ភសាស្ត្រ នៃទីភ្នាក់ងារស្ទាបស្ទង់ភូមិសាស្ត្រ សហរដ្ឋអាមេរិក បាននិយាយថា ព្រឹត្តិការណ៍នេះអាចជាព្រឹត្តិការណ៍បង្កសំឡេងឮខ្លាំងបំផុត មិនធ្លាប់មាននៅលើភពផែនដីក្នុងរយៈពេលជាងមួយសតវត្សរ៍ចុងក្រោយ។
លោកបានប្រាប់អ្នកកាសែតថា “នេះប្រហែលជាការផ្ទុះខ្លាំងបំផុតចាប់តាំងពីភ្នំភ្លើងឥណ្ឌូណេស៊ី Krakatau ផ្ទុះក្នុងឆ្នាំ១៨៨៣”៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ចំនួនអ្នកស្លាប់ និងទំហំនៃការខូចខាត ក្នុងគ្រោះមហន្តរាយផ្ទុះភ្នំភ្លើង តុងហ្គា
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ១ សប្តាហ៍ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម១៩ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
សន្តិសុខសង្គម១ សប្តាហ៍ ago
អ្នកនាំពាក្យ៖ ករណីបាញ់សម្លាប់សា្វមីម្ចាស់ប្រេន Lakamo ជនដៃដល់បានធ្វើអត្តឃាតខ្លួនឯងតាមក្រោយ(មានវីដែអូ)