ព័ត៌មានជាតិ

ដុតកម្ទេចចោលសត្វជ្រូក៥០ក្បាលមានជំងឺប៉េស្តអាហ្វ្រិកនាំចូលមកពីប្រទេសថៃ

បានផុស

៥ years មុន

នៅ

ថ្ងៃព្រហស្បតិ៍ ៣ មិថុនា ២០២១

ដោយ

សត្វជ្រូកចំនួន៥០ក្បាលផ្ទុកជំងឺប៉េស្តជ្រូកអាហ្វ្រិក ដែលត្រូវបានឈ្មួញលួចនាំចូលពីប្រទេសថៃត្រូវបានមន្ត្រីជំនាញកសិកម្មធ្វើការដុតកម្ទេចចោលដើម្បីកុំឱ្យប៉ះពាល់ដល់អ្នកបរិភោគ។

ពិធីដុតកម្ទេចជ្រូក៥០ក្បាលនេះ បានធ្វើឡើងនៅព្រឹកថ្ងៃទី៣ ខែមិថុនា ឆ្នាំ២០២១ នៅក្នុងភូមិសាស្ត្រស្រុកបាទី ខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តាន់ ផាន់ណារ៉ា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ បានឱ្យដឹងថា សត្វជ្រូកដែលដុតបំផ្លាញចំនួន៥០ក្បាល ជាជ្រូកដែលក្រុមឈ្មួញនាំចូលពីប្រទេសថៃដោយខុសច្បាប់ និងចាប់បាននៅទីសតឃាតមួយកន្លែងនៅ ក្នុងខណ្ឌច្បារអំពៅ និងភូមិដំណាក់ធំ សង្កាត់ស្ទឹងមានជ័យទី៣ ខណ្ឌមានជ័យ ក្នុងរាជធានីភ្នំពេញ កាលពីសប្ដាហ៍មុន។

លោកបានបន្តថា នេះគឺជាលើកទី៤ហើយដែលមន្ត្រីជំនាញបានដុតកម្ទេចចោលសត្វជ្រូកលួចនាំចូល បន្ទាប់ពីរកឃើញមានជំងឺប៉េស្តជ្រូកអាហ្វ្រិក។

លោកបានមានប្រសាសន៍ទៀតថា ក្រសួងកសិកម្មកំពុងតែពង្រឹងវិធានការទប់ស្កាត់ការនាំចូលផលិតផលកសិកម្មចូលពីបរទេសដោយបង្កើនផលិតផលក្នុងស្រុកឱ្យបានល្អប្រសើរឡើងវិញដោយជាការកត់សម្គាល់ឃើញថា ការចិញ្ចឹមជ្រូកក្នុងស្រុក បានកើនឡើង១០ភាគរយបន្ទាប់ពីកាត់បន្ថយការនាំចូល។

គួរបញ្ជាក់ថា កាលពីថ្ងៃទី១០ ខែកុម្ភៈ ឆ្នាំ២០២១ ក្រសួងកសិកម្មរុក្ខាប្រមាញ់ និងនេសាទ បានប្រកាសឱ្យប្រជាពលរដ្ឋមានការប្រុងប្រយ័ត្ន ចំពោះការឆ្លងជំងឺប៉េស្តជ្រូកអាហ្វ្រិក ក្រោយរកឃើញសត្វជ្រូកដែលនាំចូលពីប្រទេសថៃមានកើតជំងឺនេះ៕

អត្ថបទ ៖ សំអឿន

Related Topics:ក្រសួងកសិកម្ម រុក្ខាប្រមាញ់ និងនេសាទ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា