ព័ត៌មានអន្ដរជាតិ
ហ្វីលីពីនអនុម័តច្បាប់ឲ្យបរទេសមានសិទ្ធិ១០០%លើវិស័យទូរគមនាគមន៍ និងផ្លូវដែក
រដ្ឋសភាហ្វីលីពីនបានអនុម័តច្បាប់ជាផ្លូវការឲ្យជនបរទេសមានសិទ្ធិជាម្ចាស់ទាំងស្រុងនៃសេវាកម្មទូរគមនាគមន៍ និងផ្លូវដែក ដែលជាការបើកចំហរចំពោះការរឹតត្បិតបំផុតក្នុងការវិនិយោគរបស់ប្រទេសនេះ។
រដ្ឋសភា និងព្រឹទ្ធសភាហ្វីលីពីនបានផ្តល់សច្ចាប័ននៅយប់ថ្ងៃពុធម្សិលមិញនូវសេចក្តីព្រាងវិសោធនកម្មច្បាប់អាយុកាល៨៥ឆ្នាំដែលកំណត់ជនបរទេសមានសិទ្ធិជាម្ចាស់ត្រឹមតែ៤០%។ វិធានការច្បាប់នេះនឹងទៅដល់ដៃលោកប្រធានាធិបតី Rodrigo Duterte ដើម្បីអនុម័តជាផ្លូវការ។
សមាជិកព្រឹទ្ធសភា លោក Grace Poe បាននិយាយក្នុងសេចក្តីប្រកាសកាលពីថ្ងៃពុធថា ឧស្សាហកម្មទាំងអស់នឹងត្រូវបានធ្វើសេរីភាវូបនីយកម្ម លើកលែងតែការផ្គត់ផ្គង់អគ្គីសនី ការបញ្ជូនបំពងបង្ហូរប្រេង ការផ្គត់ផ្គង់ទឹក និងរថយន្តដឹកជញ្ជូនសាធារណៈ។
សមាជិកសភាបានឯកភាពរួចហើយពីកំណែទម្រង់ច្បាប់របស់ពួកគេថា ទូរគមនាគមន៍ ការដឹកជញ្ជូន និងផ្លូវដែកគួរត្រូវបានបើកចំហរបន្ថែមទៀតដល់វិនិយោគិនបរទេស។
ប្រទេសហ្វីលីពីនស្ថិតក្នុងចំណោមប្រទេសដែលតឹងតែងខ្លាំងបំផុតក្នុងពិភពលោកចំពោះជនបរទេសធ្វើវិនិយោគផ្ទាល់នៅក្នុងប្រទេស។ នេះបើយោងតាមអង្គការកិច្ចសហប្រតិបត្តិការ និងការអភិវឌ្ឍសេដ្ឋកិច្ច។
ប្រធានសភាពាណិជ្ជកម្មអឺរ៉ុបប្រចាំហ្វីលីពីន លោក Lars Wittig បាននិយាយមុនពេលអនុម័តច្បាប់នេះថា ៖«ហ្វីលីពីនត្រូវតែចាត់វិធានការឲ្យឆាប់រហ័សក្នុងលក្ខខណ្ឌនៃការអនុវត្តកំណែទម្រង់សេដ្ឋកិច្ចដែលមានសកម្មភាពពាណិជ្ជកម្ម និងវិនិយោគបន្ថែមទៀត»។
ទោះបីជាយ៉ាងណា លោក Poe បាននិយាយថា សហគ្រាសដែលមានម្ចាស់ជារដ្ឋបរទេសត្រូវបានរារាំងពីការកាន់កាប់ដើមទុននៅក្នុងឧបករណ៍ប្រើប្រាស់សាធារណៈ ឬហេដ្ឋារចនាសម្ព័ន្ធសំខាន់ៗនៅក្នុងប្រទេសហ្វីលីពីន៕
ប្រែសម្រួល៖ វីរបុត្រ
ប្រភព៖ bloombergquint
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS