ព័ត៌មានអន្ដរជាតិ
ល្អាងភ្នំនៅ ថៃ ក៏កំពុងល្បីមានដុំថ្មយក្សមើលទៅដូចស្រកានាគ
ថ្មយក្សមួយដុំនៅល្អាងភ្នំ Naga ស្ថិតក្នុងខេត្ត Bueng Kan ភាគឦសានប្រទេសថៃកំពុងទាក់ទាញភ្ញៀវទេសចរណ៍ ដោយសារតែដុំថ្មនោះមើលទៅដូចជាស្រកានាគ ។
ថ្មនេះត្រូវបានគេនិយាយថា មើលទៅដូចជាស្ដេចនាគ Naga ដែលប្រជាជនថៃភាគឦសានជឿថា នាំទឹកភ្លៀងមកស្រោចស្រពលើដំណាំរបស់ពួកគេ ។
ទន្ទឹមនោះ ប្រធានក្រុមប្រឹក្សាទេសចរណ៍ខេត្ត Bueng Kan បាននិយាយថា ល្អាងភ្នំ Naga នេះស្ថិតនៅខាងក្នុងឧទ្យានជាតិ Phu Langka ហើយក្រុមប្រឹក្សាបានរកឃើញថ្មនេះជាលើកដំបូងក្នុងឆ្នាំ ២០២០ ហើយបន្ទាប់មកវាទទួលបានការចាប់អារម្មណ៍យ៉ាងខ្លាំងពីបណ្តាញសង្គម ។
រឿងព្រេងនិទានរបស់ស្ដេចនាគ Naga មានអត្ថន័យជ្រាលជ្រៅនៅក្នុងរឿងព្រេងថៃភាគឦសាន និងរឿងព្រេងពីវប្បធម៌អាស៊ីអាគ្នេយ៍ និងអាស៊ីខាងត្បូងផ្សេងទៀត ។ វប្បធម៌ទាំងនេះជឿថា ស្ដេចនាគ Naga ជាពស់យក្សដែលមានក្បាលច្រើន ។
វាមានអត្ថន័យខាងវិញ្ញាណទាំងក្នុងព្រះពុទ្ធសាសនា និងសាសនាហិណ្ឌូ ។ រឿងព្រេងថៃភាគឦសាននិយាយថា ទេវតាទឹកបានបញ្ជាឲ្យស្ដេចនាគ Naga ចុះលេងក្នុងទឹកបឹង ទើបមានជំនឿថា ទឹកនឹងហូរហៀរស្រោចមកលើដំណាំរបស់មនុស្ស ដូចជាទឹកភ្លៀង ។
ជារៀងរាល់ឆ្នាំនៅភូមិភាគឦសានប្រទេសថៃ មនុស្សគប់ថ្មទៅលើមេឃដើម្បីដាស់ស្ដេចនាគ Naga ដោយសង្ឃឹមថា នឹងបង្អុរទឹកភ្លៀងមកលើដំណាំរបស់ពួកគេ ៕
ប្រែសម្រួលដោយ ៖ ជីវ័ន្ត
ប្រភព ៖ Thaiger
ចុចអាន ៖ មកដឹងច្បាស់អំពីរូងភ្នំ ដែលកំពុងល្បីក្នុងបណ្តាញសង្គម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង