ព័ត៌មានអន្ដរជាតិ
អាមេរិក នឹងដាក់ប្រព័ន្ធខែលការពារមីស៊ីល Patriot ទៅកាន់ប្រទេស ណាតូ មួយទៀត
រដ្ឋមន្ត្រីការពារជាតិអាមេរិកលោក Lloyd Austin បាននិយាយកាលពីថ្ងៃសុក្រថា សហរដ្ឋអាមេរិកនឹងដាក់ពង្រាយប្រព័ន្ធខែលការពារដែនអាកាស MIM-104 Patriot នៅក្នុងប្រទេសស្លូវ៉ាគី ដែលជាសម្ព័ន្ធមិត្តរបស់ណាតូនៅអឺរ៉ុបកណ្តាល ។
លោក Austin បាននិយាយនៅក្នុងសេចក្តីថ្លែងការណ៍កាលពីថ្ងៃសុក្រថា “បញ្ជាការអឺរ៉ុបរបស់សហរដ្ឋអាមេរិកនឹងដាក់ប្រព័ន្ធខែលការពារកាំជ្រួចមីស៊ីល Patriot ឡើងវិញដែលគ្រប់គ្រងដោយសមាជិកសេវាកម្មរបស់សហរដ្ឋអាមេរិកទៅកាន់ប្រទេសស្លូវ៉ាគី” ។
លោក Austin រំពឹងថា “ទាំងឧបករណ៍ និងក្រុមនាវិកនឹងមកដល់ក្នុងពេលប៉ុន្មានថ្ងៃខាងមុខនេះ ប៉ុន្តែរយៈពេលនៃការដាក់ពង្រាយរបស់ពួកគេមិនទាន់ត្រូវបានដឹងនៅឡើយទេ ដោយសារយើងបន្តពិភាក្សាជាមួយរដ្ឋាភិបាលស្លូវ៉ាគីអំពីដំណោះស្រាយការពារដែនអាកាសជាអចិន្ត្រៃយ៍បន្ថែមទៀត” ។
ទន្ទឹមនោះ ដំណឹងនេះកើតឡើង បន្ទាប់ពីនាយករដ្ឋមន្ត្រីស្លូវ៉ាគីលោក Eduard Heger បាននិយាយថា ប្រទេសនេះបានផ្តល់ប្រព័ន្ធការពារដែនអាកាស S-300 ផលិតដោយរុស្ស៊ីដល់អ៊ុយក្រែន ។ ប្រទេសទាំងពីរមានព្រំប្រទល់ប្រវែង ៨០ គីឡូម៉ែត្រនៅលើភ្នំ Carpathian ។
ពាក់ព័ន្ធនឹងបញ្ហានេះដែរ កាលពីខែមុន អាល្លឺម៉ង់ និងហូឡង់ក៏បានបញ្ជូនឧបករណ៍បំពាក់លើប្រព័ន្ធការពារកាំជ្រួចមីស៊ីល Patriot ចំនួន ៣ គ្រឿងទៅកាន់ស្លូវ៉ាគីផងដែរ ហើយសហរដ្ឋអាមេរិកក៏បានដាក់ឧបករណ៍ដូចគ្នានេះ ២ គ្រឿងបន្ថែមទៀតនៅភាគខាងកើតប៉ូឡូញផងដែរ ។
ប្រព័ន្ធនេះគឺជាផ្នែកមួយនៃក្រុមប្រយុទ្ធថ្មីរបស់ណាតូដែលត្រូវបានបង្កើតឡើងនៅក្នុងប្រទេសស្លូវ៉ាគី ដែលជាក្រុមមួយក្នុងចំណោមក្រុមថ្មីចំនួន ៤ ដែលបានប្រកាសដោយសម្ព័ន្ធភាពកាលពីខែមុន ខណៈណាតូមានក្រុមប្រយុទ្ធចំនួន ៤ រួចហើយនៅក្នុងប្រទេសប៉ូឡូញ និងរដ្ឋបាល់ទិក ហើយក្រុមថ្មីទាំងនេះក៏ត្រូវបានបញ្ជូនទៅប្រទេសស្លូវ៉ាគី រូម៉ានី ប៊ុលហ្គារី និងហុងគ្រីផងដែរ ។
គួរបញ្ជាក់ថា ប្រព័ន្ធខែលការពារមីស៊ីល Patriot ដ៏មានឥទ្ធិពលនេះមានសមត្ថភាពបាញ់ទម្លាក់យន្តហោះគ្មានមនុស្សបើក យន្តហោះចម្បាំង មីស៊ីលនាំផ្លូវ និងមីស៊ីលផ្លោងក្នុងចម្ងាយ ១៦០ គីឡូម៉ែត្រ ខណៈប្រព័ន្ធនេះក៏អាចភ្ជាប់បណ្តាញជាមួយប្រព័ន្ធការពារដែនអាកាសផ្សេងទៀត ដូចជាប្រព័ន្ធ (THAAD) ជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ រុស្ស៊ី បាញ់កម្ទេចទីក្រុងហ្វឹកហ្វឺនទាហានស៊ីឈ្នួលបរទេសមួយកន្លែងរបស់ អ៊ុយក្រែន (មានវីដេអូ)
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង