រុស្ស៊ី បាញ់កម្ទេចទីក្រុងហ្វឹកហ្វឺនទាហានស៊ីឈ្នួលបរទេសមួយកន្លែងរបស់ អ៊ុយក្រែន (មានវីដេអូ)

អ្នកនាំពាក្យក្រសួងការពារជាតិរុស្ស៊ីលោកឧត្តមសេនីយ៍ទោ Igor Konashenkov បាននិយាយថា កងកម្លាំងប្រដាប់អាវុធរុស្ស៊ីបានបាញ់មីស៊ីលទំនើបថ្មីចេញពីតំបន់ការពារឆ្នេរសមុទ្រ Bastion កម្ទេចមជ្ឈមណ្ឌលហ្វឹកហ្វឺនសម្រាប់ទាហានស៊ីឈ្នួលបរទេសនៅក្នុងទីក្រុង Odessa ។

លោកបាននិយាយថា “មីស៊ីលដែលបាញ់ចេញពីប្រព័ន្ធមីស៊ីលឆ្នេរសមុទ្រ Bastion នៅជិតភូមិ Krasnoselka ភាគឦសាននៃទីក្រុង Odessa បានបំផ្លាញមជ្ឈមណ្ឌលហ្វឹកហ្វឺនទាហានស៊ីឈ្នួលបរទេស” ។

លោក Igor Konashenkov បាននិយាយកាលពីថ្ងៃសុក្រថា កងកម្លាំងប្រដាប់អាវុធរុស្ស៊ីក៏បានបំផ្លាញយន្តហោះដ្រូនជាង ៤០០ គ្រឿង និងរថពាសដែកចំនួន ២,០០០ គ្រឿងផងដែរ ក្នុងអំឡុងពេលប្រតិបត្តិការពិសេសនេះ ។

លោក​បាន​បន្ថែម​ថា យន្តហោះ​ប្រយុទ្ធ និងមីស៊ីល​របស់​រុស្ស៊ី​បាន​វាយប្រហារ​គោលដៅ​យោធា​អ៊ុយក្រែន ៨១ ផ្សេង​ទៀត ខណៈប្រព័ន្ធការពារដែនអាកាសរបស់រុស្ស៊ីក៏បានបាញ់ទម្លាក់ឧទ្ធម្ភាគចក្រអ៊ុយក្រែន ២ គ្រឿង និងយន្តហោះដ្រូនចំនួន ៥ រួមទាំងយន្តហោះ Bayraktar TB-2 ចំនួន ២ គ្រឿងផងដែរ ។

ជាចុងក្រោយលោក Konashenkov បញ្ជាក់ថា សរុបមកចាប់តាំងពីការចាប់ផ្តើមប្រតិបត្តិការយោធាពិសេស ឧទ្ធម្ភាគចក្រចំនួន ៩៧ គ្រឿង, រថពាសដែកគ្មានមនុស្សបើកចំនួន ៤២១ គ្រឿង, ប្រព័ន្ធមីស៊ីលប្រឆាំងយន្តហោះរយៈចម្ងាយឆ្ងាយ និងមធ្យមចំនួន ២២៨ គ្រឿង, រថក្រោះ និងរថពាសដែកប្រយុទ្ធផ្សេងទៀតចំនួន ២,០១៩ គ្រឿង, គ្រាប់រ៉ុកកែតចំនួន ២២៣ គ្រាប់, កាំភ្លើងធំ និងកាំភ្លើងត្បាល់ចំនួន ៨៧៤ គ្រឿង ព្រមទាំងរថយន្តយោធាពិសេសចំនួន ១.៩១៧ គ្រឿងផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប្រទេសសម្ព័ន្ធមិត្ត រុស្ស៊ី ធ្វើប្រតិបត្តិការពិសេសជួយពលរដ្ឋខ្លួនជាប់ឃុំនៅ អ៊ុយក្រែន