ព័ត៌មានអន្ដរជាតិ
អាមេរិកបញ្ជាឲ្យបុគ្គលិកមិនសំខាន់ទាំងអស់ចេញពីសៀងហៃជុំវិញកូវីដ
សហរដ្ឋអាមេរិកបានប្រកាសនៅថ្ងៃអង្គារ៍ ទី១២ ខែមេសានេះថា ខ្លួនបានបញ្ជាឲ្យបុគ្គលិកមិនសំខាន់ទាំងអស់នៅកុងស៊ុលក្នុងទីក្រុងសៀងហៃចាកចេញ ដោយបារម្ភពីសុវត្ថិភាពពលរដ្ឋរបស់ខ្លួននៅប្រទេសចិន ខណៈរដ្ឋាភិបាលបង្ខំឲ្យអនុវត្តបិទខ្ទប់យ៉ាងតឹងរឹងដើម្បីទប់ស្កាត់កូវីដ-១៩។
ចិនបានដាក់ចេញគោលការណ៍តឹងរឹង«គ្មានកូវីដ» ដោយមានគោលបំណងលុបបំបាត់ការឆ្លងតាមរយៈបំរាមបិទខ្ទប់ ការធ្វើតេស្តទ្រង់ទ្រាយធំ និងការរឹតត្បិតក្នុងការធ្វើដំណើរ។
ប៉ុន្តែគោលនយោបាយបានថយចុះចាប់តាំងពីខែមីនាមក ខណៈករណីឆ្លងជាង១០ម៉ឺននាក់នៅទីក្រុងសៀងហៃដែលនាំឲ្យមានការដាក់បំរាមបិទខ្ទប់នៅទីក្រុងមានប្រជាជន២៥លាននាក់ដែលបង្កឲ្យមានការតវ៉ាពីសាធារណជនជុំវិញកង្វះស្បៀងអាហារ និងគោលនយោបាយដែលមិនចេះបត់បែននៃការបញ្ជូននរណាម្នាក់ដែលធ្វើតេស្តវិជ្ជមានទៅមជ្ឈមណ្ឌលចត្តាឡីស័ក។
«ក្រសួងការបរទេសអាមេរិកបានបញ្ជាឲ្យចាកចេញដោយសារតែការផ្ទុះកូវីដ-១៩កំពុងបន្ត»។ អ្នកនាំពាក្យស្ថានទូតនៅទីក្រុងប៉េកាំងបាននិយាយក្នុងសេចក្តីថ្លែងការណ៍។ សេចក្តីថ្លែងការណ៍បន្តថា បុគ្គលិកទូតក៏មានការព្រួយបារម្ភកើនឡើងអំពីសុវត្ថិភាព និងសុខមាលភាពរបស់ពលរដ្ឋអាមេរិកជាមួយមន្ត្រីរបស់ចិន។
ទីក្រុងធំបំផុតរបស់ចិនបានរាយការណ៍នៅថ្ងៃអង្គារ៍នេះមានអ្នកឆ្លងកូវីដ-១៩ជាង២៣ ០០០នាក់។
ភាគច្រើននៃពលរដ្ឋរបស់ខ្លួនស្ថិតក្រោមបំរាមបិទខ្ទប់តឹងរឹង។ យ៉ាងណា អ្នកខ្លះរស់នៅក្នុងសង្កាត់មួយចំនួនដែលបានចាត់ទុកមានហានិភ័យទាបត្រូវបានអនុញ្ញាតឲ្យចេញក្រៅផ្ទះ។
ស្ថានទូតអាមេរិកបាននិយាយកាលពីសប្តាហ៍មុនថា ខ្លួននឹងអនុញ្ញាតឲ្យបុគ្គលិកមិនចាំបាច់ខ្លាំងចាកចេញពីទីក្រុងសៀងហៃដោយសារតែករណីឆ្លងកូវីដកើនឡើង និងបានព្រមានប្រជាជនរបស់ខ្លួននៅប្រទេសចិនថា ពួកគេប្រហែលជាប្រឈមនឹងការអនុវត្តតាមអំពើចិត្តនៃបំរាមកូវីដ។
អ្នកនាំពាក្យបាននិយាយក្នុងសេចក្តីថ្លែងការណ៍ថា ឥឡូវនេះ ក្រសួងការបរទេសកំពុងបញ្ជាឲ្យបុគ្គលិកចាកចេញ ពីព្រោះ«វាល្អបំផុតសម្រាប់បុគ្គលិករបស់យើង និងគ្រួសាររបស់ពួកគេក្នុងចំនួន និងប្រតិបត្តិការរបស់យើងត្រូវបានកាត់បន្ថយរបស់យើងដើម្បីដោះស្រាយជាមួយនឹងស្ថានភាពផ្លាស់ប្តូរជាមូលដ្ឋាន»។
ចិនបានវាយប្រហារប្រឆាំងនឹងការត្អួញត្អែររបស់អាមេរិកអំពីបំរាមបិទខ្ទប់នៅសៀងហៃដោយអ្នកនាំពាក្យក្រសួងការបរទេសចិន លោក Zhao Lijian កាលពីថ្ងៃសៅរ៍បានថ្កោលទោសសហរដ្ឋអាមេរិកពីការចោទប្រកាន់ដោយគ្មានមូលដ្ឋាន និងទទួចថា គោលនយោបាយរបស់ចិនគឺបែបវិទ្យាសាស្ត្រ និងប្រសិទ្ធភាព។
អាជ្ញាធរចិនបានត្រៀមគ្រែថ្មីរាប់ម៉ឺននៅតាមមន្ទីរពេទ្យបណ្តោះអាសន្នជាង១០០កន្លែងដែលជាផ្នែកមួយនៃគោលការណ៍ដាក់ឲ្យនៅដាច់ដោយឡែកសម្រាប់អ្នកវិជ្ជមានកូវីដ-១៩ បើទោះជាពួកគេមិនមានបង្ហាញរោគសញ្ញាក៏ដោយ៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore