ព័ត៌មានអន្ដរជាតិ

កូរ៉េខាងត្បូង២នាក់ ម្នាក់ជាមេបញ្ជាការយោធាត្រូវបានចាប់ខ្លួនពីបទចារកម្មឲ្យកូរ៉េខាងជើង

បានផុស

៣ years មុន

នៅ

ថ្ងៃសុក្រ ២៩ មេសា ២០២២

ដោយ

ជនជាតិកូរ៉េខាងត្បូងពីររូប ក្នុងនោះមានម្នាក់មានតួនាទីជាមេបញ្ជាការយោធាត្រូវបានចាប់ខ្លួនពីបទលួចអាថ៌កំបាំងយោធាឲ្យទីភ្នាក់ងារដែលសង្ស័យសម្រាប់ប្រទេសកូរ៉េខាងជើងដើម្បីទទួលបានប្រាក់ឲ្យរូបិយប័ណ្ណគ្រីបតូ (លុយឡាញ)។ នេះបើតាមប៉ូលិសកូរ៉េខាងត្បូងបាននិយាយនៅថ្ងៃសុក្រ ទី២៩ ខែមេសានេះ។

កូរ៉េខាងជើងដែលមានសង្គ្រាមបច្ចេកទេសជាមួយប្រទេសកូរ៉េខាងត្បូងល្បីល្បាញក្នុងការធ្វើប្រតិបត្តិការយោធានៃការហែក (លួច) រាប់ពាន់នាក់ដែលត្រូវបានបង្វឹកបង្ហាត់យ៉ាងស្ទាត់ជំនាញដោយមានគោលដៅវាយប្រហារលើក្រុមហ៊ុន ស្ថាប័ន និងអ្នកស្រាវជ្រាវនៅកូរ៉េខាងត្បូង និងកន្លែងផ្សេងៗទៀត។

ប៉ូលិសបាននិយាយក្នុងសេចក្តីថ្លែងការណ៍មួយថា ប៉ុន្តែនេះជាករណីទី១ដែលជនស៊ីវិលកូរ៉េខាងត្បូង និងជាមេបញ្ជាការយោធាសកម្មម្នាក់ត្រូវបានចាប់បានពីការប៉ុនប៉ងលួចយកអាថ៌កំបាំងយោធាតាមការបញ្ជារបស់ទីភ្នាក់ងារកូរ៉េខាងជើង។

អាជ្ញាធរទីក្រុងសេអ៊ួលបាននិយាយថា ម្នាក់ក្នុងចំណោមពួកគេគឺជាមេបញ្ជាការម្នាក់អាយុ២៩ឆ្នាំដែលត្រូវបានចោទប្រកាន់ពីការបានចូលក្នុងប្រព័ន្ធបញ្ជាការរួមរបស់កូរ៉េខាងត្បូង ដែលជាបណ្តាញទំនាក់ទំនងផ្ទៃក្នុងដ៏សំខាន់គ្រប់គ្រងដោយយោធាទៅចារកម្មរបស់ទីក្រុងព្យុងយ៉ាងដែលត្រូវបានសង្ស័យ។

ម្នាក់ទៀតជាអ្នកជំនួញអាយុ៣៨ឆ្នាំដែលបើកក្រុមហ៊ុនគ្រប់គ្រងអចលនទ្រព្យតាមអនឡាញត្រូវបានចោទប្រកាន់ពីបទផ្តល់ឲ្យមេបញ្ជាការនូវនាឡិកាដៃមួយគ្រឿងដែលមានកាមេរ៉ាអាថ៌កំបាំងដើម្បីជាជំនួយក្នុងការប្រមូលផ្តុំចារកម្ម។

ប៉ូលិសក្រុងសេអ៊ួលបាននិយាយថា បុរសជំនួញក៏ត្រូវបានសង្ស័យពីការទិញ និងផ្តុំបញ្ជូលគ្នានូវឧបករណ៍លួចដូចជា USB ដែលហៅថា “Poison Tap” ដើម្បីចូលទៅក្នុងប្រព័ន្ធបញ្ជាការរួម។

«ជនសង្ស័យទាំងពីរត្រូវបានចាប់ខ្លួនពីបទបំពានច្បាប់សន្តិសុខជាតិ»។ នេះបើតាមការបញ្ជាក់ពីមន្ត្រីនៅទីភ្នាក់ងារប៉ូលិសជាតិកូរ៉េបានប្រាប់ AFP។

ប៉ូលិសក្រុងសេអ៊ួលបាននិយាយថា បុរសជំនួញបានជួបចារកម្មក្រុងព្យុងយ៉ាងដំបូងតាមអនឡាញពាក់ព័ន្ធនឹងប្រាក់គ្រីបតូកាលពី៦ឆ្នាំមុន និងបានបន្តទាក់ទងគ្នាតាម Telegram។

ប៉ូលិសបានបញ្ជាក់ថា អ្នកទាំងពីរទទួលបានប្រាក់គ្រីបតូ។ មេបញ្ជាការទទួលបានប្រហែលជា ៣៧ ៧៨៩ដុល្លារអាមេរិកពីភ្នាក់ងារកូរ៉េខាងជើង ខណៈបុរសជំនួញទទួលបានប្រហែល ៦០០ ០០០ដុល្លារអាមេរិក៕

ប្រែសម្រួល៖ វីរបុត្រ
ប្រភព៖ AFP