ព័ត៌មានអន្ដរជាតិ
ទើបឈ្នះឆ្នោតភ្លូកទឹក-ដី លោក Marcos បង្ហាញផែនការអាទិភាពសម្រាប់ហ្វីលីពីន
លោក Ferdinand Marcos Jr បានសង្កត់ធ្ងន់នៅក្នុងសាររួបរួម និងបង្ហាញផែនការអាទិភាពរបស់លោកសម្រាប់ប្រទេសហ្វីលីពីន បន្ទាប់ពីទទួលបានជ័យជម្នះភ្លូកទឹក-ដីក្នុងការបោះឆ្នោតជ្រើសរើសប្រធានាធិបតីសប្តាហ៍នេះ។
លោក Marcos អាយុ៦៤ឆ្នាំបានថ្លែងសុន្ទរកថាកាលពីថ្ងៃពុធ ទី១១ ខែឧសភាថា ៖«ខ្ញុំត្រូវបាននាំផ្លូវដោយមនុស្ស៣១លាននាក់នៅក្នុងប្រទេសរបស់យើងដើម្បីបោះឆ្នោតឲ្យរួបរួម»។ ថ្លែងនៅទីស្នាក់ការកណ្តាលរបស់លោកនៅទីក្រុង Mandaluyong លោក Marcos បានបង្ហាញផែនការមួយសម្រាប់ហ្វីលីពីននៅពេលរដ្ឋបាលរបស់លោកចូលកាន់តំណែង។
អាទិភាពកំពូលរបស់លោករាប់បញ្ចូលទាំងវិធានការទប់ស្កាត់វិបត្តិសេដ្ឋកិច្ចដែលបង្កឡើងដោយការរាតត្បាតជំងឺកូវីដ-១៩ និងអ្វីដែលលោកបានចាត់ទុកជាវិស័យសំខាន់។
«យើងខ្ញុំកំពុងដោះស្រាយបញ្ហាទាំងនេះមុនគេ….។ វិបត្តិសេដ្ឋកិច្ច វិបត្តិថាមពល កង្វះការងារ ការអប់រំ និងផលិតកម្ម… វិស័យទាំងនេះគឺពិតជាសំខាន់ណាស់នៅក្នុងប៉ុន្មានឆ្នាំខាងមុខនេះ»។ លោកបានប្រាប់អ្នកសារព័ត៌មាន។
លោក Marcos ក៏បានសន្យាបន្តធ្វើការ«សម្រាប់រដ្ឋបាលដែលផ្តល់សំឡេងដល់អ្នករាល់គ្នាដែលចង់ជួយ» និងបន្ថែមថា លោកនឹងធ្វើការប្រកាសថែមទៀតនាពេលប៉ុន្មានថ្ងៃខាងមុខ។
គិតត្រឹមម៉ោង៧:៣២នាទីយប់ ថ្ងៃពុធ លទ្ធផលផ្នែកខ្លះ និងក្រៅផ្លូវការបង្ហាញថា លោក Marcos ទទួលបានការគាំទ្រ ៣១ ០៩១ ៤៨២ សំឡេង (ជាង៣១លាន) នៅក្នុងការបោះឆ្នោតជ្រើសរើសប្រធានាធិបតីកាលពីថ្ងៃទី៩ ខែឧសភា ដែលនាំមុខដៃគូប្រជែងដែលនឹងក្លាយជាអនុប្រធានាធិបតី លោក Maria Leonor Robredo ទទួលបានការគាំទ្រជាង១៦លានសំឡេង។
អំឡុងពេលសុន្ទរកថា លោក Marcos បានប្រកាសពីថា មិត្តរួមការងាររបស់លោកគឺលោកស្រី Sara Duterte បានយល់ព្រមដឹកនាំក្រសួងអប់រំ។
លោក Marcos ជាអតីតសមាជិកព្រឹទ្ធសភា និងជាកូនប្រុសតែម្នាក់គត់របស់អតីតប្រធានាធិបតី Ferdinand Marcos ដែលត្រូវបានគេដឹងថា សម័យកាលផ្តាច់ការ អំពើពុករលួយ និងរំលោភសិទ្ធិមនុស្ស។ ក្នុងឆ្នាំ១៩៨៦ គ្រួសាររបស់លោកបានភៀសខ្លួនទៅ Hawaii សហរដ្ឋអាមេរិក បន្ទាប់ពីបដិវត្តអំណាចប្រជាជនផ្តួលរំលំរបបគ្រប់គ្រងរយៈពេល២០ឆ្នាំរបស់លោក Marcos៕
ប្រែសម្រួល៖ វីរបុត្រ
ប្រភព៖ CNA
ក្មេងទំនើងកាប់គ្នា៖ អ្នកចាញ់ជួបពេទ្យ អ្នកឈ្នះជួបប៉ូលិស
រដ្ឋមន្រ្តីក្រសួងអធិការកិច្ច និងអភិបាលខេត្តកំពង់ចាម ធ្វើពិធីស្រង់ព្រះ ទោះចប់បុណ្យចូលឆ្នាំខ្មែរក៏ដោយ
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
១សប្ដាហ៍ យានយន្តជាង១០ម៉ឺនគ្រឿង បានធ្វើដំណើរលើផ្លូវល្បឿនលឿន
លោក ប៉ែន បូណា៖ ពិធីបុណ្យចូលឆ្នាំថ្មីបង្ហាញពីទំនុកចិត្តនិងភាពកក់ក្តៅយ៉ាងខ្លាំងរបស់ប្រជាពលរដ្ឋខ្មែរ
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
ព័ត៌មានជាតិ៧ ថ្ងៃ agoផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម៦ ថ្ងៃ agoព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ចរាចរណ៍២ ម៉ោង agoបើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ជីវិតកម្សាន្ដ៦ ថ្ងៃ agoក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានជាតិ១ សប្តាហ៍ agoជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៦ ថ្ងៃ agoទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
ព័ត៌មានជាតិ៤ ម៉ោង agoតួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ជីវិតកម្សាន្ដ៦ ថ្ងៃ agoកូនប្រុសតារាហុងកុង Cecilia Cheung វ័យ១៧ ឆ្នាំ ណាត់ជួបជាមួយគ្រូអាយុ ៤៦ ឆ្នាំ