ព័ត៌មានអន្ដរជាតិ
អាមេរិកគាំទ្រហ្វីលីពីនរិះគន់បំរាមនេសាទរបស់ចិន
សហរដ្ឋអាមេរិកកាលពីថ្ងៃទី២ ខែមិថុនា បានគាំទ្រប្រទេសហ្វីលីពីនក្នុងការរិះគន់បំរាមឯកតោភាគីលើការធ្វើនេសាទតាមរដូវកាលដែលត្រូវបានប្រកាសដោយរដ្ឋាភិបាលទីក្រុងប៉េកាំងនៅក្នុងជម្លោះសមុទ្រចិនខាងត្បូង។
ក្រសួងការបរទេសអាមេរិកបានចង្អុលលើសេចក្តីសម្រេចឆ្នាំ២០១៦ដោយតុលាការទីក្រុងឡាអេដែលបានច្រានចោលការអះអាងរបស់ទីក្រុងប៉េកាំង ក៏ដូចជាអនុសញ្ញាអង្គការសហប្រជាជាតិស្តីពីច្បាប់សមុទ្រដែលត្រូវបានផ្តល់សច្ចាប័នដោយប្រទេសចិន ទោះជាមិនមែនសហរដ្ឋអាមេរិកក៏ដោយ។
លោក Ned Price អ្នកនាំពាក្យក្រសួងការបរទេសអាមេរិកបានសរសើរលើ Twitter ថា ៖«ការផ្អាកធ្វើនេសាទជាឯកតោភាគីរបស់សាធារណរដ្ឋប្រជាមានិតចិននៅសមុទ្រចិនខាងត្បូងគឺមិនស្របនឹងសេចក្តីសម្រេចរបស់តុលាការអាជ្ញាកណ្តាលកាលពីឆ្នាំ២០១៦ និងច្បាប់អន្តរជាតិឡើយ»។
លោកបានបន្តថា ៖«យើងខ្ញុំអំពាវនាវឲ្យប្រទេសចិនគោរពតាមកាតព្វកិច្ចរបស់ខ្លួនក្រោមច្បាប់អន្តរជាតិ»។
ប្រទេសហ្វីលីពីន ដែលជាសម្ព័ន្ធមិត្តជាប់សន្ធិសញ្ញារបស់សហរដ្ឋអាមេរិក កាលពីថ្ងៃអង្គារ៍បានកោះហៅមន្ត្រីទូតចិនម្នាក់ជុំវិញការប្រកាសបំរាមនេសាទជាឯកតោភាគី ក៏ដូចជាចោទប្រកាន់ថាមានការយាយីដល់នេសាទស្រាវជ្រាវសមុទ្រដោយនាវាឆ្មាំសមុទ្រចិន។
ចិនបានប្រកាសជារៀងរាល់ឆ្នាំនូវបំរាមនេសាទក្នុងរដូវក្តៅដោយលើកឡើងពីតម្រូវការដើម្បីអភិឌ្ឍជីវិតសត្វសមុទ្រប្រកបដោយនិរន្តរភាពដោយសារការធ្វើនេសាទច្រើនពេក។
ប៉ុន្តែសកម្មភាពរបស់ខ្លួនត្រូវបានជាប់គាំងនៅក្នុងជម្លោះអធិបតេយ្យភាព ដោយរដ្ឋាភិបាលទីក្រុងប៉េកាំងបានទទួចថា ខ្លួនមានយុត្តាធិការលើផ្នែកជាច្រើនមហាសាលនៃសមុទ្រចិនខាងត្បូងដែលជាប្រភពនៃជម្លោះយូរអង្វែងជាមួយហ្វីលីពីន វៀតណាម និងប្រទេសអាស៊ានផ្សេងទៀត៕
ប្រែសម្រួល៖ វីរបុត្រ
ប្រភព៖ AFP
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ