ព័ត៌មានអន្ដរជាតិ
UN ចាប់ផ្តើមផ្តល់អាហារដល់ស្ត្រីមានផ្ទៃពោះនៅស្រីលង្កា
ស្ត្រីក្រីក្ររាប់ពាន់នាក់នៅក្នុងប្រទេសស្រីលង្កាចាប់ផ្តើមទទួលបានម្ហូបអាហារកាលពីថ្ងៃព្រហស្បតិ៍ ទី១៦ ខែមិថុនា ដែលជាផ្នែកមួយនៃជំនួយគ្រាអាសន្នរបស់អង្គការសហប្រជាជាតិដល់ប្រទេសដែលជួបវិបត្តិសេដ្ឋកិច្ចដ៏ធ្ងន់ធ្ងរបំផុតមិនធ្លាប់មាន។
អង្គការសហប្រជាជាតិ (UN) បាននិយាយថា មនុស្ស៤នាក់ក្នុងចំណោមមនុស្ស៥នាក់បានចាប់ផ្តើមរំលងអាហារពេលខ្លះ ពីព្រោះពួកគេមិនអាចទល់នឹងការចំណាយដែលមានតម្លៃថ្លៃ។ UN បានព្រមានពីវិបត្តិមនុស្សធម៌ដ៏ធ្ងន់ធ្ងរបំផុតកំពុងកើតមានចំពោះមនុស្សរាប់លាននាក់។
កម្មវិធីស្បៀងអាហារពិភពលោក (WFP) របស់ UN បាននិយាយថា ខ្លួនបានចាប់ផ្តើមចែកប័ណ្ណអាហារដល់ស្ត្រីមានផ្ទៃពោះប្រហែល២០០០នាក់នៅតំបន់ដែលមិនទទួលបានសេវាក្នុងទីក្រុង Colombo ដែលជាផ្នែកមួយនៃជំនួយសង្គ្រោះជីវិត។
អ្នកស្រី Anthea Webb នាយករង WFP ប្រចាំតំបន់អាស៊ី និងប៉ាស៊ីហ្វិក បានឲ្យដឹងថា មនុស្សក្រីក្រក្នុងប្រទេសដែលមានប្រជាជន២២លាននាក់បានកំពុងជួបការលំបាកនឹងការចំណាយជាមូលដ្ឋានដូចជាម្ហូបអាហារជាដើម។
«នៅពេលពួកគេរំលងអាហារ ពួកគេនឹងធ្វើឲ្យសុខភាពរបស់ពួកគេ និងកូនៗប្រឈមនឹងហានិភ័យ»។ អ្នកស្រីបាននិយាយ។
WFP បាននិយាយថា ការចែកប័ណ្ណទូទាត់សាច់ប្រាក់ដែលមានតម្លៃ៤០ដុល្លារគឺជាផ្នែកមួយនៃកិច្ចខិតខំប្រឹងប្រែងរបស់អង្គការសហប្រជាជាតិដើម្បីជួយប្រជាជនស្រីលង្កា៣លាននាក់ដែលកំពុងជួបការលំបាកខ្លាំងនឹងតម្លៃកំពុងកើនឡើង។ UN កំពុងព្យាយាមរៃអង្គាសប្រាក់៦០លានដុល្លារអាមេរិកសម្រាប់ស្បៀងអាហារសង្គ្រោះចាប់ពីខែមិថុនា ដល់ខែធ្នូ ឆ្នាំនេះ៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ