Connect with us

ព័ត៌មានអន្ដរជាតិ

អាមេរិក មានមោទនភាពចំពោះ អ៊ុយក្រែន ដែលការពារប្រទេសបានល្អពី សង្គ្រាមលុកលុយរបស់ រុស្ស៊ី

បានផុស

នៅ

រដ្ឋមន្ត្រីការពារជាតិអាមេរិកលោក Lloyd Austin បាននិយាយថា លោកមានមោទនភាពយ៉ាងខ្លាំងចំពោះការការពារប្រទេស ក៏ដូចជាវឌ្ឍនភាពដែលអ៊ុយក្រែនបានធ្វើឡើងក្នុងសង្គ្រាមលុកលុយរបស់រុស្ស៊ីក្នុងរយៈពេលជាច្រើនខែកន្លងមកនេះ ហើយស្នើរដ្ឋាភិបាលទីក្រុងកៀវបន្តការងារដ៏ល្អនេះទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបញ្ចប់កិច្ចប្រជុំរយៈពេល ២ ថ្ងៃនៅឯទីស្នាក់ការកណ្តាលរបស់អង្គការណាតូក្នុងទីក្រុងព្រុចសែលប្ររទេសប៊ែលហ្សិកកាលពីថ្ងៃព្រហស្បតិ៍ លោករដ្ឋមន្ត្រីអាមេរិករូបនេះក៏​ចង់ឲ្យណាតូ​ពង្រឹង​កម្លាំង​របស់​ពួកគេ ជា​ពិសេស​ការការពារនៅ​តាម​បណ្តោយ​ភាគ​ខាងកើត​ក្នុង​ប្រទេស​អេស្តូនី ឡាតវី លីទុយអានី ប៉ូឡូញ និង​រូម៉ានី ដោយសារតែអ៊ុយក្រែនជាមេរៀនស្រាប់ ។

លោក Austin បញ្ជាក់ថា ទោះយ៉ាងណាក៏ដោយ ពួកគេត្រូវតែបែងចែកលើចំនួនកងទ័ពដែលត្រូវបញ្ជូន កន្លែងដែលត្រូវដាក់ពង្រាយ និងអាវុធដែលត្រូវផ្តល់ឲ្យជាដើម ហើយរដ្ឋមន្ត្រីការពារជាតិមកពីទូទាំងអង្គការណាតូនឹងបន្តការពិភាក្សាបញ្ហាទាំងនោះទៀត នៅពេលជួបគ្នានៅទីក្រុងម៉ាឌ្រីដ នាថ្ងៃទី ២៨ ដល់ថ្ងៃទី ៣០ ខែមិថុនា ។

ដោយឡែកអគ្គលេខាធិការអង្គការណាតូលោក Jens Stoltenberg បាននិយាយថា សង្គ្រាមលុកលុយរបស់រុស្ស៊ី គឺជាការផ្លាស់ប្តូរហ្គេម ហើយណាតូត្រូវតែរក្សាការទប់ស្កាត់ដ៏គួរឲ្យទុកចិត្ត និងការការពារដ៏រឹងមាំ ។

ជាចុងក្រោយលោក Stoltenberg បានសង្កត់ធ្ងន់ថា កិច្ចប្រជុំកំពូលខាងមុខនេះនឹងមាន “ការផ្លាស់ប្តូរ” ហើយ​លោកសង្ឃឹម​ថា ​ណាតូនឹង​ដាក់​ចេញ​នូវ​យុទ្ធសាស្ត្រ​របស់ខ្លួន​សម្រាប់​ ១០ ​ឆ្នាំ​ខាង​មុខ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អង់គ្លេស ថា អ៊ុយក្រែន ចាញ់អាវុធកាំភ្លើងធំ រុស្ស៊ី ២០ ទល់នឹង ១

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម