ព័ត៌មានអន្ដរជាតិ
អាមេរិក ផ្តល់ជំនួយយោធាក្នុងទំហំទឹកប្រាក់ ៤៥០លានដុល្លារ បន្ថែមទៀត ទៅឲ្យអ៊ុយក្រែន
សហរដ្ឋអាមេរិក នឹងបញ្ជូនជំនួយយោធាក្នុងទំហំទឹកប្រាក់ ៤៥០លានដុល្លារបន្ថែមទៀត ទៅឲ្យអ៊ុយក្រែន រួមទាំងប្រព័ន្ធរ៉ុកកែតរយៈចម្ងាយមធ្យមបន្ថែមមួយចំនួនផងដែរ ដើម្បីជួយទីក្រុង កៀវ ទប់ទល់នឹងរុស្ស៊ី នៅក្នុងសង្គ្រាម។
កញ្ចប់ចុងក្រោយបង្អស់នេះរួមមាន ប្រព័ន្ធរ៉ុកកែតចល័តខ្ពស់ឬ HIMARS ចំនួនបួនគ្រឿងបន្ថែមទៀត ដែលនឹងបង្កើនចំនួនអាវុធដែលមានស្រាប់នេះនៅអ៊ុយក្រែន ឡើងដល់ទ្វេដង។
លោក Anton Semelroth អ្នកនាំពាក្យរបស់មន្ទីរបញ្ចកោណបាននិយាយថា អាវុធទាំងបួននេះ ត្រូវបានដាក់នៅក្នុងទ្វីបអឺរ៉ុប ហើយការបណ្តុះបណ្តាលលើប្រព័ន្ធទាំងនោះ បានចាប់ផ្តើមរួចហើយជាមួយនឹងកងទ័ពអ៊ុយក្រែន ដែលនឹងប្រើប្រាស់ពួកវា។
ប្រព័ន្ធ HIMARS បួនគ្រឿងដំបូងដែលអាមេរិកបានបញ្ជូនទៅសមរភូមិនៅអ៊ុយក្រែន បានស្ថិតនៅក្នុងដៃទាហាននៅទីនោះរួចហើយ ។
យោងតាមមន្ទីរប៉ង់តាហ្គោន ជំនួយនេះក៏រួមបញ្ចូលយានយុទ្ធវិធីចំនួន ១៨ គ្រឿងដែលប្រើសម្រាប់សណ្តោងឧបករណ៍បំផ្ទុះផងដែរ ដូច្នេះអាវុធ អាចចល័តបាននៅជុំវិញសមរភូមិ។ ជំនួយផ្សេងទៀតមានដូចជាទូកល្បាតតាមឆ្នេរសមុទ្រ និងតាមដងទន្លេចំនួន ១៨ គ្រឿង កាំភ្លើងយន្តរាប់ពាន់ដើម គ្រាប់បែកដៃ និងគ្រាប់រំសេវ រួមទាំងឧបករណ៍ និងគ្រឿងបន្លាស់មួយចំនួនទៀត៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ ប្រព័ន្ធរ៉ុកកែតដ៏មានអានុភាពរបស់អាមេរិក ដឹកទៅដល់ អ៊ុយក្រែន ហើយ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore