ព័ត៌មានអន្ដរជាតិ
ប្រព័ន្ធរ៉ុកកែតដ៏មានអានុភាពរបស់អាមេរិក ដឹកទៅដល់ អ៊ុយក្រែន ហើយ (មានវីដេអូ)
អ៊ុយក្រែននិយាយថា ខ្លួនទទួលបានប្រព័ន្ធរ៉ុកកែតកាំភ្លើងធំចល័តខ្ពស់ (HIMARS) ដែលផ្គត់ផ្គង់ដោយសហរដ្ឋអាមេរិកហើយ។ នេះជាប្រព័ន្ធអាវុធរយៈចម្ងាយឆ្ងាយដ៏មានអានុភាព ដែលទីក្រុង កៀវ សង្ឃឹមថា អាចជួយទប់ទល់នឹងការវាយលុករបស់រុស្ស៊ីបាន។

រដ្ឋមន្ត្រីការពារជាតិអ៊ុយក្រែន លោក Oleksiy Reznikov បានសរសេរនៅលើ Twitter កាលពីថ្ងៃព្រហស្បតិ៍ទី២៣ខែមិថុនាថា “HIMARS បានមកដល់ប្រទេសអ៊ុយក្រែនហើយ។ សូមអរគុណដល់សហការី និងមិត្តរបស់ខ្ញុំ លោក Lloyd J. Austin សម្រាប់ឧបករណ៍ដ៏មានឥទ្ធិពលទាំងនេះ! រដូវក្តៅនឹងក្តៅសម្រាប់អ្នកកាន់កាប់រុស្ស៊ី។ ហើយជារដូវក្តៅចុងក្រោយមួយ សម្រាប់ពួកគេមួយចំនួន”។

ទោះបីជាយ៉ាងណាក៏ដោយ លោកមិនបានបញ្ជាក់ទេថាតើ មានប្រព័ន្ធចំនួនប៉ុន្មានដែលបញ្ជូនមកដល់ប្រទេសអ៊ុយក្រែន។
ការប្រកាសនេះកើតឡើង ចំពេលកងកម្លាំងរបស់ទីក្រុងមូស្គូ បានរុលទៅមុខនៅភាគខាងកើតប្រទេសអ៊ុយក្រែន ក្នុងគោលបំណងដណ្តើមយកតំបន់ឧស្សាហកម្ម Donbas ជាកន្លែងដែលអ៊ុយក្រែនភ័យខ្លាចថា កងទ័ពរបស់ខ្លួនមួយចំនួនអាចត្រូវបានឡោមព័ទ្ធនៅក្នុងក្រញាំរុស្ស៊ី។

ស្របពេលជាមួយគ្នានោះដែរ ទីក្រុងវ៉ាស៊ីនតោននិយាយថា ខ្លួនបានទទួលការធានាពីទីក្រុង កៀវ ថា អាវុធរយៈចម្ងាយឆ្ងាយទាំងនេះ នឹងមិនត្រូវបានប្រើដើម្បីវាយប្រហារទឹកដីរុស្ស៊ីទេ ចំពេលមានការព្រួយបារម្ភអំពីការរីកកាន់តែធំនៃជម្លោះ។
ថ្វីបើលោកខាងលិចបានបញ្ជូនសព្វាវុធចូលទៅក្នុងប្រទេសអ៊ុយក្រែន ដើម្បីជួយទប់ទល់នឹងកងកម្លាំងរបស់វិមានក្រឹមឡាំងក៏ដោយ ប៉ុន្តែទីក្រុង កៀវ បានត្អូញត្អែរថា ខ្លួនទទួលបានតែផ្នែកខ្លះនៃអ្វីដែលខ្លួនត្រូវការប៉ុណ្ណោះ និងកំពុងទាមទារសុំអាវុធធុនធ្ងន់ជាងនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Al Jazeera
ចុចអាន៖ អាមេរិក គំរាមរុស្ស៊ី បើហ៊ានវាយប្រហារ លីទុយអានី

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ