ព័ត៌មានអន្ដរជាតិ
រុស្ស៊ី ដណ្តើមបានទីក្រុង Severodonetsk ទាំងស្រុងពី អ៊ុយក្រែន
ទីក្រុងយុទ្ធសាស្ត្រ Severodonetsk របស់ប្រទេសអ៊ុយក្រែន ឥឡូវនេះត្រូវបានកាន់កាប់ទាំងស្រុងដោយកងទ័ពរុស្ស៊ី។ នេះបើតាមការអះអាងពីអភិបាលក្រុង កាលពីថ្ងៃសៅរ៍ទី២៥ ខែមិថុនា។
បន្ទាប់ពីការប្រយុទ្ធគ្នាអស់រយៈពេលជាច្រើនសប្តាហ៍ជុំវិញទីក្រុងសំខាន់ភាគខាងកើតមួយនេះ អភិបាលក្រុង លោក Oleksandr Striuk បាននិយាយថា ទីក្រុងនេះ បានធ្លាក់ដល់ដៃរុស្ស៊ី ទាំងស្រុងហើយ។
ក្រោយមក នៅយប់ថ្ងៃសៅរ៍ អ្នកនាំពាក្យក្រសួងការពារជាតិរុស្ស៊ី លោក Igor Konashenkov ក៏បានប្រកាសអំពី ការរំដោះទាំងស្រុងនៃទីក្រុង Severodonetsk រួមទាំងភូមិក្បែរនោះ ដូចជា Borivske, Voronove និង Syrotyne ផងដែរ។
លោកនិយាយថា “ទឹកដីទាំងអស់នៅច្រាំងខាងឆ្វេងនៃទន្លេ Donets ក្នុងដែនកំណត់នៃតំបន់ Lugansk គឺស្ថិតនៅក្រោមការគ្រប់គ្រងរបស់កងកម្លាំងរុស្ស៊ី និងកងកម្លាំងគាំទ្ររុស្ស៊ី”។
កងទ័ពអ៊ុយក្រែនកាលពីថ្ងៃសុក្របាននិយាយថា ខ្លួននឹងដកកងកម្លាំងចេញពីទីក្រុងនេះ យកទៅការពារទីក្រុង Lysychansk ដែលនៅនោះវិញ។
ស្របពេលជាមួយគ្នានោះដែរ លោក Striuk បន្តថា ជនស៊ីវិលបានចាប់ផ្តើមជម្លៀសចេញពីរោងចក្រគីមី Azot ដែលជាកន្លែងមនុស្សរាប់រយនាក់បានលាក់ខ្លួនពីការបាញ់ផ្លោងរបស់រុស្ស៊ី។
អ្នកទាំងនេះ បានចំណាយពេលជិតបីខែ នៅក្នុងបន្ទប់ក្រោមដី។ នោះជាការលំបាកខាងផ្លូវចិត្ត និងផ្លូវកាយ ហើយឥឡូវនេះ ពួកគេកំពុងត្រូវការជំនួយផ្នែកវេជ្ជសាស្រ្ដ និងផ្លូវចិត្ត៕
ប្រែសម្រួល៖ សន្យា
ប្រភព៖ Daily Mail
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង