អ៊ុយក្រែន សម្រេចឈប់ព្យាយាមចូល ណាតូ

អ៊ុយក្រែនបានទទួលស្គាល់ថា សមាជិកភាពរបស់អង្គការណាតូរបស់ខ្លួនកំពុងស្ថិតនៅក្រៅតុពិចារណា ហើយខ្លួននឹងមិនចាត់វិធានការបន្ថែមទៀតក្នុងការចូលរួមសម្ព័ន្ធភាពយោធាដែលដឹកនាំដោយសហរដ្ឋអាមេរិកនោះទេ។ នេះបើតាមការលើកឡើងរបស់លោក Igor Zhovkva ទីប្រឹក្សាប្រធានាធិបតី Volodymyr Zelensky បានប្រាប់កាសែត Financial Times កាលពីថ្ងៃសៅរ៍។ ទោះបីជាយ៉ាងណាក៏ដោយ ទីក្រុង កៀវ ចង់ក្លាយជាផ្នែកមួយក្នុងគោលនយោបាយរបស់ អង្គការណាតូ។

ដោយឡែក មេដឹកនាំអង្គការណាតូគ្រោងនឹងជួបប្រជុំគ្នានៅរដ្ឋធានីម៉ាឌ្រីដរបស់អេស្ប៉ាញនៅសប្តាហ៍ក្រោយ ហើយក្នុងអំឡុងពេលពីរថ្ងៃនៃកិច្ចប្រជុំ និងការពិគ្រោះយោបល់ សម្ព័ន្ធភាពនឹងបង្ហាញពីគោលគំនិតយុទ្ធសាស្ត្ររបស់ខ្លួន ដែលជាឯកសារដែលបង្ហាញពីបេសកកម្ម និងជំហររបស់សម្ព័ន្ធភាពចំពោះប្រទេសមិនមែនសមាជិក រួមទាំងប្រទេសចិន និងរុស្ស៊ីផងដែរ៕

ប្រែសម្រួល៖ សន្យា

ប្រភព៖ RT

ចុចអាន៖ អឺរ៉ុប និងណាតូកំពុងប្រមូលផ្ដុំប្រទេសសម្ព័ន្ធមិត្តធ្វើសង្គ្រាមជាមួយ រុស្ស៊ី