Connect with us

ព័ត៌មានអន្ដរជាតិ

អ៊ីរ៉ង់ ជួបគ្រោះរញ្ជួយដីខ្លាំងក្លា ៣លើក ស្លាប់និងរបួសមនុស្សមួយចំនួន

បានផុស

នៅ

មនុស្សចំនួន៥នាក់បានស្លាប់ និងរាប់សិបនាក់ផ្សេងទៀតរងរបួស បន្ទាប់ពីការរញ្ជួយដីខ្លាំងក្លាយ៉ាងតិចបីលើក បានវាយប្រហារខេត្ត Hormozgan ភាគខាងត្បូងប្រទេសអ៊ីរ៉ង់ កាលពីថ្ងៃសៅរ៍ទី០២ខែកក្កដា។

ការរញ្ជួយខ្លាំងបំផុតចំនួនពីរលើក ត្រូវបានកត់ត្រាក្នុងកម្រិត ៦.៣ រ៉ិចទ័រ ប៉ុន្តែការរញ្ជួយមួយលើក ដែលបណ្តាលឲ្យមានអ្នកស្លាប់ គឺត្រូវបានគេគិតថា ជាការរញ្ជួយកម្រិត ៦.១ រ៉ិចទ័រ នៅជម្រៅប្រហែល ១០ គីឡូម៉ែត្រ។

មន្ត្រីក្នុងតំបន់ Foad Moradzadeh ត្រូវបានដកស្រង់សម្តីដោយទីភ្នាក់ងារសារព័ត៌មានរដ្ឋ IRNA ថា “ជនរងគ្រោះទាំងអស់ បានស្លាប់នៅក្នុងការរញ្ជួយដីលើកទីមួយ ហើយគ្មាននរណាម្នាក់រងគ្រោះថ្នាក់ក្នុងការរញ្ជួយដីធ្ងន់ធ្ងរពីរលើកបន្ទាប់ទៀតឡើយ ដោយសារមនុស្សនៅខាងក្រៅផ្ទះរបស់ពួកគេរួចទៅហើយ”។

មានការរញ្ជួយតូចៗចំនួន ៣០ បានកើតឡើងនៅក្នុងភូមិ និងទីប្រជុំជននានាជិតទីក្រុង Bandar Abbas ហើយការរញ្ជួយ ក៏ញ័រដល់ប្រទេសអារ៉ាប់រួមផងដែរ។

លោក Yaqoub Soleimani អគ្គលេខាធិការនៃសេវាជំនួយសង្គ្រោះអឌ្ឍចន្ទក្រហមក្នុងតំបន់ បានប្រាប់ប្រព័ន្ធផ្សព្វផ្សាយរដ្ឋអ៊ីរ៉ង់ថា ប្រតិបត្តិការស្វែងរក និងជួយសង្គ្រោះបានបញ្ចប់ហើយ ហើយគេមិនគិតថា មានអ្នកស្លាប់និងរបួសផ្សេងទៀតឡើយ។

គួរបញ្ជាក់ថា ខេត្តភាគខាងត្បូងប្រទេសអ៊ីរ៉ង់នាពេលថ្មីៗនេះ មានការរញ្ជួយដីដ៏ខ្លាំងក្លាជាច្រើនលើក ប៉ុន្តែចំនួនអ្នកស្លាប់ និងការខូចខាតមិនធ្ងន់ធ្ងរទេ។

ទូរទស្សន៍រដ្ឋផ្សាយថា ការរញ្ជួយដីខ្លាំងក្លា និងការរញ្ជួយតូចៗចំនួន ១៥០លើក បានវាយប្រហារខេត្ត Hormozgan ភាគខាងលិចក្នុងរយៈពេលមួយខែកន្លងមកនេះ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ តាលីបង់ អំពាវនាវសុំជំនួយពីអន្តរជាតិ ខណៈអ្នកស្លាប់ក្នុងគ្រោះរញ្ជួយដី កើនលើស ១០០០នាក់ (មានវីដេអូ)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម