Connect with us

ព័ត៌មានអន្ដរជាតិ

តាលីបង់ អំពាវនាវសុំជំនួយពីអន្តរជាតិ ខណៈអ្នកស្លាប់ក្នុងគ្រោះរញ្ជួយដី កើនលើស ១០០០នាក់ (មានវីដេអូ)

បានផុស

នៅ

ក្រុមតាលីបង់របស់ អាហ្វហ្គានីស្ថាន បានអំពាវនាវសុំជំនួយពីអន្តរជាតិ ខណៈដែលប្រទេសនេះ កំពុងដោះស្រាយជាមួយនឹងផលវិបាកក្រោយគ្រោះរញ្ជួយដីកម្រិត ៦.១ រ៉ិចទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីក្នុងតំបន់និយាយថា គិតត្រឹមថ្ងៃព្រហស្បតិ៍ទី២៣ខែមិថុនានេះ មានមនុស្សជាង ១០០០ នាក់ហើយបានបាត់បង់ជីវិត និងយ៉ាងតិច ១៥០០ នាក់រងរបួស។

ខេត្ត Paktika នៅ​ភាគ​អាគ្នេយ៍​ គឺជា​កន្លែងរង​ផល​ប៉ះពាល់​ខ្លាំង​ជាង​គេ។

អង្គការសហប្រជាជាតិកំពុងព្យាយាមផ្តល់ទីជម្រកបន្ទាន់ និងជំនួយស្បៀងអាហារ ខណៈកិច្ចខិតខំប្រឹងប្រែងជួយសង្គ្រោះរបស់អាហ្វហ្គានីស្ថាន ត្រូវបានរារាំងដោយភ្លៀងធ្លាក់ខ្លាំង។

ការរញ្ជួយដីសាហាវបំផុតដែលវាយប្រហារប្រទេសនេះក្នុងរយៈពេលពីរទសវត្សរ៍ គឺជាបញ្ហាប្រឈមដ៏ធំសម្រាប់ក្រុមតាលីបង់ ដែលជាចលនាឥស្លាមនិយម ដណ្តើមអំណាចកាលពីឆ្នាំមុនបន្ទាប់ពីរដ្ឋាភិបាលគាំទ្រដោយលោកខាងលិច ដួលរលំ។

លោក Abdul Qahar Balkhi មន្ត្រីជាន់ខ្ពស់តាលីបង់បាននិយាយថា “គួរឲ្យសោកស្ដាយ រដ្ឋាភិបាលស្ថិតនៅក្រោមការដាក់ទណ្ឌកម្ម ដូច្នេះផ្នែកហិរញ្ញវត្ថុមិនអាចជួយប្រជាជនក្នុងកម្រិតដែលត្រូវការបាននោះទេ។ ទីភ្នាក់ងារផ្តល់ជំនួយអន្តរជាតិកំពុងជួយ។ ប្រទេសជិតខាង ប្រទេសក្នុងតំបន់ និងប្រទេសនានាក្នុងពិភពលោកបានផ្តល់ជំនួយរបស់ពួកគេ។ ជំនួយចាំបាច់ ត្រូវតែមានទំហំធំ ពីព្រោះនេះគឺជាការរញ្ជួយដីដ៏សាហាវដែលមិនធ្លាប់មានសោះ ក្នុងរយៈពេលជាច្រើនទសវត្សរ៍ចុងក្រោយ”។

គ្រូពេទ្យក្នុងតំបន់បានប្រាប់ BBC ថា រហូតមកដល់ពេលនេះ ភាគច្រើននៃអ្នកស្លាប់ និងរបួសគឺស្ថិតនៅក្នុងស្រុក Gayan និង Barmal នៃខេត្ត Paktika។ ភូមិទាំងមូលនៅស្រុក Gayan ត្រូវបានកម្ទេចទាំងស្រុង។

គួរបញ្ជាក់ថា អាហ្វហ្គានីស្ថាន ងាយនឹងកើតមានការរញ្ជួយដីណាស់ ដោយសារតែប្រទេសនេះ មានទីតាំងស្ថិតនៅលើតំបន់ឧស្សាហ៍មានការ​ទង្គិចគ្នា​នៃ​ផ្លាក​តិកតូនិក​ឥណ្ឌា និង​អឺរ៉ាស៊ី។

ក្នុងរយៈពេលមួយទសវត្សរ៍កន្លងមកនេះ មនុស្សជាង ៧០០០ នាក់ត្រូវបានសម្លាប់ក្នុងការរញ្ជួយដីនៅប្រទេសនេះ។ មានអ្នកស្លាប់ជាមធ្យម ៥៦០នាក់ក្នុងមួយឆ្នាំពីការរញ្ជួយដី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ រញ្ជួយដីនៅ អាហ្វហ្គានីស្ថាន ស្លាប់មនុស្ស ២៥០នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម