ព័ត៌មានអន្ដរជាតិ
រុស្ស៊ី បញ្ជាក់ជំហរ ចំពោះគោលការណ៍ចិនតែមួយ មុនដំណើរទស្សនកិច្ចរបស់ប្រធានសភា អាមេរិក
មុនដំណើរទស្សនកិច្ចរបស់ប្រធានសភាអាមេរិក លោកស្រី Nancy Pelosi មកកាន់តំបន់អាស៊ី រដ្ឋមន្ត្រីការបរទេសរុស្ស៊ី លោក Sergei Lavrov បាននិយាយកាលពីថ្ងៃសុក្រទី២៩ខែកក្កដាថា ជំហររបស់រុស្ស៊ីចំពោះចិន នៅតែមិនផ្លាស់ប្តូរ ហើយទីក្រុងមូស្គូរំពឹង និងសង្ឃឹមថា នឹងមិនមានការបង្កហេតុទាក់ទងនឹងបញ្ហាកោះតៃវ៉ាន់នោះទេ។
លោក Lavrov បាននិយាយទៅកាន់អ្នកសារព័ត៌មាននៅទីក្រុង តាស្កិន នៃប្រទេស អ៊ូសបេគីស្ថាន ក្នុងអំឡុងពេលកិច្ចប្រជុំកំពូលរបស់ អង្គការកិច្ចសហប្រតិបត្តិការសៀងហៃថា “យើងមិនមានបញ្ហាជាមួយនឹងគោលការណ៍នៃការរក្សាអធិបតេយ្យភាពរបស់ប្រទេសចិននោះទេ ហើយរក្សាការពិតដែលថា គ្មានការបង្កហេតុណាមួយដែលអាចធ្វើឲ្យស្ថានការណ៍កាន់តែធ្ងន់ធ្ងរឡើងឡើយ”។
អ្នកការទូតកំពូលរុស្ស៊ីរូបនេះ បានគូសបញ្ជាក់ថា លោក និងរដ្ឋមន្ត្រីការបរទេសចិន លោក Wang Yi មិនបានពិភាក្សាគ្នាអំពីស្ថានភាពជុំវិញកោះតៃវ៉ាន់ទេ ក្នុងអំឡុងកិច្ចពិភាក្សានៅខាងក្រៅកិច្ចប្រជុំនេះ ប៉ុន្តែបានសង្កត់ធ្ងន់ថា ជំហររបស់រុស្ស៊ីលើបញ្ហានេះ “គឺច្បាស់លាស់”។
លោក Lavrov ក៏បានសង្កត់ធ្ងន់ដែរថា “ជំហររបស់យើងចំពោះអត្ថិភាពនៃប្រទេសចិនតែមួយ គឺនៅតែមិនផ្លាស់ប្តូរ។ សហរដ្ឋអាមេរិកអះអាងថានឹងប្រកាន់ជំហរដូចគ្នា ប៉ុន្តែតាមការអនុវត្តជាក់ស្តែង ដូចអ្នកឃើញហើយ ទង្វើរបស់គេមិនដូចនឹងពាក្យសម្តីឡើយ”។
គួរបញ្ជាក់ថា រុស្ស៊ីមិនរក្សាទំនាក់ទំនងការទូតជាមួយតៃវ៉ាន់ទេ ហើយបានគាំទ្រការទាមទារទឹកដីរបស់ចិន ចំពោះកោះនេះ ចាប់តាំងពីការបញ្ចប់សង្គ្រាមស៊ីវិលចិននៅចុងទសវត្សរ៍ឆ្នាំ១៩៤០។
នៅអង្គការសហប្រជាជាតិ សហភាពសូវៀត បានទាមទារយ៉ាងខ្លាំងក្លាថា អាសនៈក្រុមប្រឹក្សាសន្តិសុខអចិន្ត្រៃយ៍ដែលកាន់កាប់ដោយតៃវ៉ាន់ ត្រូវតែប្រគល់ទៅឲ្យចិន ដោយទីបំផុត ចិនបានទទួលអាសនៈនៅឆ្នាំ ១៩៧១ ហើយសហរដ្ឋអាមេរិកបានងាកទៅបង្កើតទំនាក់ទំនងជាមួយចិន។
កាលពីដើមខែកុម្ភៈ នៅក្នុងសេចក្តីថ្លែងការណ៍រួមរវាងរុស្ស៊ី និងចិនស្តីពីបញ្ហាអន្តរជាតិ ទីក្រុងមូស្គូបានអះអាងសាជាថ្មី នូវការគាំទ្ររបស់ខ្លួនចំពោះគោលការណ៍ចិនតែមួយ, បញ្ជាក់ជំហររបស់ខ្លួនថា តៃវ៉ាន់គឺជាផ្នែកដែលមិនអាចកាត់ផ្តាច់បានរបស់ចិន ហើយបានសម្តែងការប្រឆាំងចំពោះការប៉ុនប៉ងណាមួយដើម្បីលើកទឹកចិត្ត ឯករាជ្យភាពរបស់តៃវ៉ាន់៕
ប្រែសម្រួល៖ Vann Vann
ប្រភព៖ Sputnik
ចុចអាន៖ ស្អែកនេះ លោកស្រី Pelosi ដឹកនាំគណៈប្រតិភូមកអាស៊ី តែមិនប្រាកដថា ចូល តៃវ៉ាន់ ឬអត់
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore