ព័ត៌មានអន្ដរជាតិ
ចិន ហៅអាមេរិក ថាជា “អ្នកញុះញង់ខ្លាំងជាងគេបំផុត” ក្នុងវិបត្តិ រុស្ស៊ី-អ៊ុយក្រែន (មានវីដេអូ)
ប្រទេសចិន បានហៅសហរដ្ឋអាមេរិកថាជា “អ្នកញុះញង់ខ្លាំងជាងគេបំផុត” នៃវិបត្តិសង្គ្រាម រុស្ស៊ី-អ៊ុយក្រែន។
នៅក្នុងបទសម្ភាសន៍ជាមួយទីភ្នាក់ងារសារព័ត៌មានរដ្ឋរុស្ស៊ី TASS ចេញផ្សាយកាលពីថ្ងៃពុធ ទី១០ ខែសីហា ឯកអគ្គរដ្ឋទូតចិនប្រចាំទីក្រុងមូស្គូ លោក Zhang Hanhui បានចោទប្រកាន់ទីក្រុងវ៉ាស៊ីនតោនថា បានគាំទ្រឲ្យរុស្ស៊ី ធ្លាក់ចូលទៅក្នុងជ្រុងមួយជាមួយនឹងការពង្រីកម្តងហើយម្តងទៀតនៃសម្ព័ន្ធភាពការពារជាតិរបស់អង្គការណាតូ និងបានគាំទ្រដល់កងកម្លាំងដែលជួយអ៊ុយក្រែនឲ្យចូលរួមជាមួយសហភាពអឺរ៉ុប។
លោក Zhang ត្រូវបានគេដកស្រង់សម្តីថា “ក្នុងនាមជាអ្នកផ្ដួចផ្ដើម និងជាអ្នកញុះញង់ធំបំផុតនៃវិបត្តិអ៊ុយក្រែន, ទីក្រុងវ៉ាស៊ីនតោន បានបន្តផ្គត់ផ្គង់សព្វាវុធ និងឧបករណ៍យោធាដល់អ៊ុយក្រែន ហើយដាក់ទណ្ឌកម្មយ៉ាងទូលំទូលាយមិនធ្លាប់មានពីមុនមកលើរុស្ស៊ី។ គោលដៅចុងក្រោយរបស់ពួកគេគឺ ធ្វើឲ្យរុស្ស៊ីអស់អ្វីពីខ្លួន ហើយកម្ទេចរុស្ស៊ីដោយសង្រ្គាមអូសបន្លាយ និងការដាក់ទណ្ឌកម្មដ៏តឹងរ៉ឹង”។
លោក Zhang ក៏បាននិយាយដែរថា ទំនាក់ទំនងចិន-រុស្ស៊ី បានចូលដល់ ដំណាក់កាលដ៏ល្អបំផុតក្នុងប្រវត្តិសាស្ត្រ ដែលត្រូវបានកំណត់ដោយ ការជឿទុកចិត្តគ្នាទៅវិញទៅមកកម្រិតខ្ពស់ អន្តរកម្មកម្រិតខ្ពស់ និងសារសំខាន់ជាយុទ្ធសាស្ត្រដ៏អស្ចារ្យបំផុត។
គួរបញ្ជាក់ថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានធ្វើដំណើរទៅកាន់ទីក្រុងប៉េកាំងកាលពីខែកុម្ភៈ ដើម្បីជួបជាមួយប្រធានាធិបតីចិន លោក ស៊ី ជីនពីង ស្របពេលដែលរថក្រោះរុស្ស៊ី កំពុងដាក់ពង្រាយនៅតាមព្រំដែនអ៊ុយក្រែន។ មេដឹកនាំទាំងពីរ បានសាទរ ភាពជាដៃគូ គ្មានដែនកំណត់រវាងចិននិងរុស្ស៊ី ប្រសើរជាងសម្ព័ន្ធមិត្តសង្រ្គាមត្រជាក់ផ្សេងទៀត។
រុស្ស៊ី បានហៅការវាយលុកនៅអ៊ុយក្រែនថាជា “ប្រតិបត្តិការយោធាពិសេស” ហើយនិយាយថា វាចាំបាច់មិនត្រឹមតែរក្សាសន្តិសុខផ្ទាល់ខ្លួនប៉ុណ្ណោះទេ ប៉ុន្តែថែមទាំងការពារអ្នកនិយាយភាសារុស្ស៊ី ពីការបៀតបៀនទៀតផង។
យ៉ាងណាក្តី អ៊ុយក្រែន និងលោកខាងលិចនិយាយថា ទាំងនេះគឺជាលេសគ្មានមូលដ្ឋានសម្រាប់សង្រ្គាមលុកលុយរបស់ចក្រពត្តិ ប្រឆាំងនឹងប្រទេសជិតខាងដែលទទួលបានឯករាជ្យនៅពេល សហភាពសូវៀតដឹកនាំដោយទីក្រុងមូស្គូ បានដួលរលំក្នុងឆ្នាំ១៩៩១៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ ការផ្ទុះច្រើនលើក វាយប្រហារមូលដ្ឋានកងទ័ពតំបន់ Crimea របស់រុស្ស៊ី មានអ្នកស្លាប់និងរបួស
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore