ព័ត៌មានអន្ដរជាតិ
ការផ្ទុះច្រើនលើក វាយប្រហារមូលដ្ឋានកងទ័ពតំបន់ Crimea របស់រុស្ស៊ី មានអ្នកស្លាប់និងរបួស (មានវីដេអូ)
មនុស្សម្នាក់បានស្លាប់ និងច្រើននាក់របួស បន្ទាប់ពីការផ្ទុះ វាយប្រហារមូលដ្ឋានកងទ័ពនៅតំបន់ Crimea។
លោក Sergei Aksyonov ប្រមុខរដ្ឋបាលតំបន់ដែលតែងតាំងដោយរុស្ស៊ីមួយនេះ បានសរសេរនៅលើប្រព័ន្ធផ្សព្វផ្សាយសង្គមថា ការបំផ្ទុះបានកើតឡើងនៅមូលដ្ឋានកងទ័ព Saky ក្បែរតំបន់ Novofedorivka នៅលើឆ្នេរសមុទ្រភាគខាងលិចនៃឧបទ្វីបនេះ។
វីដេអូដែលផ្សព្វផ្សាយតាមបណ្តាញសង្គម បានបង្ហាញពីការផ្ទុះជាច្រើនកន្លែង។ ក្រោយមក ក្រសួងការពារជាតិរុស្ស៊ីនិយាយថា គ្រាប់រំសេវត្រូវបានបំផ្ទុះ ប៉ុន្តែការអះអាងនេះ មិនទាន់យកជាការបាននោះទេ។
សាក្សីក្នុងតំបន់បានប្រាប់ទីភ្នាក់ងារ Reuters ថា ពួកគេបានឮការផ្ទុះយ៉ាងហោចណាស់១២លើក ដែលចាប់ផ្តើមនៅម៉ោងប្រហែល ១៥:២០ (ម៉ោងក្នុងស្រុក)។
ទន្ទឹមនោះ តំបន់ហាមចូលចម្ងាយ៥គីឡូម៉ែត្រ នៅជុំវិញកន្លែងបំផ្ទុះត្រូវបានបង្កើតឡើង។
ថ្លែងទៅកាន់ប៉ុស្តិ៍ទូរទស្សន៍ Dozhd, ទីប្រឹក្សាប្រធានាធិបតីអ៊ុយក្រែន លោក Mykhailo Podolyak បាននិយាយថា ទីក្រុង កៀវ មិនទទួលខុសត្រូវចំពោះការផ្ទុះនោះទេ។
គួរបញ្ជាក់ថា រុស្ស៊ីបានកាត់យកតំបន់ Crimea ពីអ៊ុយក្រែនក្នុងខែមីនា ឆ្នាំ២០១៤ បន្ទាប់ពីការធ្វើប្រជាមតិដែលសហគមន៍អន្តរជាតិមើលឃើញថាមិនស្របច្បាប់។ ការបោះឆ្នោតនោះ ត្រូវបានរៀបចំឡើងយ៉ាងប្រញាប់ប្រញាល់ បន្ទាប់ពីកងទ័ពរុស្ស៊ី បានកាន់កាប់ទីតាំងយុទ្ធសាស្ត្រជាច្រើនជុំវិញឧបទ្វីបនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ លោក Zelensky ប្រកាសក្តែងៗ ទៅវាយយកទឹកដី Crimea និង Donbass មកវិញឲ្យខានតែបាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត