ព័ត៌មានអន្ដរជាតិ
FBI ព្រមាន មន្ត្រីអាមេរិកឲ្យប្រយ័ត្ន ខណៈមានការគំរាមប្រើអំពើហិង្សាកាន់តែខ្លាំង ក្រោយឆែកឆេរផ្ទះលោក ត្រាំ (មានវីដេអូ)
សហរដ្ឋអាមេរិក បានព្រមាន អំពីការកើនឡើងនៃការគំរាមកំហែងប្រើហិង្សា លើមន្ត្រីអនុវត្តច្បាប់បន្ទាប់ពីប្រតិបត្តិការឆែកឆេរអចលនទ្រព្យ Mar-a-Lago របស់លោក ដូណាល់ ត្រាំ នៅ រដ្ឋ Florida។
FBI និងក្រសួងសន្តិសុខមាតុភូមិ បានចេញសេចក្តីប្រកាសមួយ ទៅកាន់មន្ត្រីអនុវត្តច្បាប់នៅទូទាំងប្រទេស ដោយសេចក្តីប្រកាសនោះបាននិយាយថា “មានការកើនឡើងនៃការគំរាមកំហែងដោយហិង្សា ដែលបានបង្ហោះនៅលើប្រព័ន្ធផ្សព្វផ្សាយសង្គម ប្រឆាំងនឹងមន្រ្តីសហព័ន្ធ”។
ការឆែកឆេររបស់ FBI កាលពីថ្ងៃចន្ទសប្តាហ៍មុន គឺជាលើកទីមួយហើយ ដែលផ្ទះរបស់អតីតប្រធានាធិបតីមួយរូប ត្រូវបានឆែកឆេរនៅក្នុងការស៊ើបអង្កេតព្រហ្មទណ្ឌ។
សំណុំឯកសារសម្ងាត់ចំនួន១១ ត្រូវបានរកឃើញក្នុងផ្ទះ នៅទីក្រុង Palm Beach ខណៈ លោក ត្រាំ បានចេញមុខបដិសេធការធ្វើខុសទាំងអស់។
យោងតាមសេចក្តីប្រកាស, “FBI និងក្រសួងសន្តិសុខមាតុភូមិ ចង់បញ្ជាក់ដល់ មន្ត្រីអនុវត្តច្បាប់ តុលាការ និងបុគ្គលិករដ្ឋាភិបាល ឲ្យដឹងពីការគំរាមកំហែង ព្រមទាំងឧប្បត្តិហេតុឧក្រិដ្ឋកម្ម និងហិង្សាយ៉ាងច្រើន។ ការគំរាមកំហែងមួយចំនួនគឺ បានកំណត់គោលដៅជាក់លាក់ មានរៀបចំយុទ្ធសាស្ត្រ ឬប្រើអាវុធ។ សូម្បីចៅក្រមដែលអនុញ្ញាតការឆែកឆេរផ្ទះលោក ត្រាំ ក៏ត្រូវបានគេកំណត់គោលដៅផងដែរ”។
សេចក្តីប្រកាសនោះ ក៏បានកត់សម្គាល់ផងដែរថា បុរសម្នាក់ពាក់អាវក្រោះ ត្រូវបានបាញ់សម្លាប់ដោយប៉ូលិស បន្ទាប់ពីការប៉ុនប៉ងវាយប្រហារលើការិយាល័យ FBI នៅទីក្រុង Cincinnati រដ្ឋ Ohio។
ប៉ុន្មានម៉ោងមុនឧប្បត្តិហេតុកាលពីសប្តាហ៍មុន ជនសង្ស័យបានបង្ហោះនៅលើវេទិកាប្រព័ន្ធផ្សព្វផ្សាយសង្គមរបស់លោក ត្រាំ ឈ្មោះ Truth Social អំពីការប៉ុនប៉ងរបស់គាត់ដើម្បីសម្លាប់ភ្នាក់ងារសហព័ន្ធ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ FBI យកបានឯកសារសម្ងាត់បំផុត ក្នុងការឆែកឆេរផ្ទះលោក ត្រាំ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?