ព័ត៌មានអន្ដរជាតិ
អ្នកជំនាញនុយក្លេអ៊ែរ៖ បើមានការផ្ទុះនៅរោងចក្រ Zaporozhye ប្រទេសចំនួន៩ នឹងរងផលប៉ះពាល់ (មានវីដេអូ)
អតីតអធិការនៃអាជ្ញាធរនុយក្លេអ៊ែររបស់សហភាពសូវៀត បានប្រាប់ RT ថា ប្រទេសសរុបចំនួនប្រាំបួន អាចនឹងត្រូវបានបំពុល ប្រសិនបើរោងចក្រថាមពលនុយក្លេអ៊ែរ Zaporozhye ដែលគ្រប់គ្រងដោយរុស្ស៊ីនៅភាគខាងត្បូងប្រទេសអ៊ុយក្រែន ត្រូវបានវាយប្រហារដោយប្រព័ន្ធបាញ់រ៉ុកកែត។
កងទ័ពរុស្ស៊ី បានដាក់ការគ្រប់គ្រងរោងចក្រ Zaporozhye ដែលជារោងចក្រថាមពលនុយក្លេអ៊ែរធំបំផុតរបស់អឺរ៉ុប នៅដើមដំបូងនៃប្រតិបត្តិការយោធាក្នុងប្រទេសអ៊ុយក្រែន។ ចាប់តាំងពីពេលនោះមក រុស្ស៊ីបានចោទប្រកាន់ទីក្រុងកៀវ ម្តងហើយម្តងទៀតថា បានបាញ់កាំភ្លើងធំ និងបើកការវាយប្រហារដោយយន្តហោះគ្មានមនុស្សបើក លើទីតាំងនេះ ប៉ុន្តែមន្ត្រីអ៊ុយក្រែនបានអះអាងថា ជារុស្ស៊ីទេដែលបាញ់ផ្លោង ហើយដាក់កំហុសលើទីក្រុងកៀវ។
នៅក្នុងបទសម្ភាសន៍មួយដែលចេញផ្សាយកាលពីថ្ងៃអង្គារទី១៦ខែសីហា លោក Vladimir Kuznetsov បានព្រមានថា ប្រសិនបើរោងចក្រនេះត្រូវបានវាយប្រហារដោយរ៉ុកកែតជាបន្តបន្ទាប់នៅស្តុក ដែលផ្ទុកឥន្ធនៈនុយក្លេអ៊ែរមែននោះ, មានឱកាសដែលថា ធុងច្រើនជាងមួយនឹងត្រូវខូចខាត។ សេណារីយ៉ូនេះនឹងរួមបញ្ចូលទាំងការលេចធ្លាយជាតិវិទ្យុសកម្ម ចូលទៅក្នុងបរិស្ថាន ដូច្នេះការបំពុលមិនមែនមានត្រឹមតែនៅកន្លែងឧស្សាហកម្មប៉ុណ្ណោះទេ ប៉ុន្តែក៏រាលដាលទៅដល់ទន្លេ Dnipro ដែលនៅក្បែរនោះផងដែរ។
អតីតអធិការរូបនេះបានសន្និដ្ឋានថា ប្រសិនបើកុងតឺន័រពី២០ទៅ៣០ ត្រូវផ្ទុះក្នុងការវាយប្រហារបែបនេះ សារធាតុវិទ្យុសកម្មនឹងប៉ះពាល់ដល់ប្រទេសប្រមាណប្រាំបួនដូចជា តួកគី ប៊ុលហ្គារី រូម៉ានី ស្លូវ៉ាគី សាធារណរដ្ឋឆេក ប៉ូឡូញ រដ្ឋបាល់ទិកចំនួន២ និងជាក់ស្តែងអ៊ុយក្រែនខាងលិច។
ក្នុងរយៈពេលប៉ុន្មានសប្តាហ៍ថ្មីៗនេះ យោធារុស្ស៊ីបានចោទប្រកាន់អ៊ុយក្រែនថា មានចេតនាកំណត់គោលដៅលើរោងចក្រនេះច្រើនដង ហើយបានព្រមានថា គ្រោះមហន្តរាយនុយក្លេអ៊ែរដ៏ធំមួយ ស្រដៀងទៅនឹងគ្រោះមហន្តរាយ Chernobyl ក្នុងឆ្នាំ ១៩៨៦ ឬអាចអាក្រក់ជាងនោះ អាចកើតឡើងប្រសិនបើការវាយប្រហារបែបនេះនៅតែបន្ត ដោយមិនមានការត្រួតពិនិត្យ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ីព្រមាន ប៉ះទង្គិចផ្នែកយោធាដោយផ្ទាល់ជាមួយ សហរដ្ឋអាមេរិក
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល