ព័ត៌មានអន្ដរជាតិ
កាំភ្លើងដែលតម្រួតថៃលួចលក់ជាង ១០០ ដើម ត្រូវពលរដ្ឋភ្ញាក់រលឹក ប្រគល់ឲ្យវិញជាង ៥០ ដើមហើយ
ប្រទេសថៃ ៖ កាំភ្លើងវែង ខ្លី រួមនឹងគ្រាប់បែកសរុប ១៣៤ ដើម ដែលត្រូវបានតម្រួតថៃម្នាក់ មានតួនាទីជាប្រធានការិយាល័យគ្រប់គ្រងអាវុធជាតិផ្ទុះនៅក្នុងអធិការដ្ឋានតម្រួត ប៉ាកក្រេត ខេត្តណុនថ:បុរី លួចចេញពីឃ្លាំងយកទៅលក់ដើម្បីដោះបំណុលដោយសារចាញ់ល្បែងភ្នាល់បាល់នោះ ត្រូវបានប្រជាពលរដ្ឋថៃមួយចំនួន យកមកប្រគល់ឲ្យសមត្ថកិច្ចវិញជាង ៥០ ដើមហើយ ដោយសារតែពួកគាត់ខ្លាចមានទោស។
លោកឧត្ដមសេនីយ៍ សុនសេដ្ឋ ហាក់ផាន អគ្គស្នងការរងនគរបាលជាតិរបស់ថៃ បានបញ្ជាក់ថា ជនសង្ស័យមានឈ្មោះ ឆៅវ៉ាលីត ភុំចន អាយុ ៤២ ឆ្នាំ មាននាទីជានាយការិយាល័យគ្រប់គ្រងអាវុធជាតិផ្ទុះ រយៈពេល ១៨ ឆ្នាំ កន្លងមកហើយ នៅក្នុងអង្គភាពតម្រួត ប៉ាកក្រេត ដោយគេបានលួចយកអាវុធចេញពីឃ្លាំងអស់ចំនួន ១៣៤ ដើម ដែលក្នុងនោះ ភាគច្រើនជាអាវុធខ្លី ដោយឡែកមួយចំនួនតូចជាប្រភេទអាវុធវែង និងគ្រាប់បែកដៃ ហើយត្រូវបានចាប់ខ្លួនកាលពីថ្ងៃទី ២១ តុលា នៅក្នុងសណ្ឋាគារមួយកន្លែង ក្នុងខេត្តណងខាយ ខណៈដែលជនសង្ស័យរូបនេះកំពុងត្រៀមឯកសារឆ្លងដែនទៅរកភរិយាក្នុងប្រទេសវៀតណាម។
លោកឧត្ដមសេនីយ៍បានសង្កត់ធ្ងន់ថា ការលួចអាវុធយកទៅលក់ដើម្បីដោះបំណុលល្បែងនេះ ក្នុង ១ ដើម អាចបានត្រឹម ៣ ម៉ឺនបាតប៉ុណ្ណោះ ហើយលោកនឹងសន្យាថា ប្រមូលអាវុធទាំងអស់នោះយកមកវិញឲ្យបាន ក្រោយពីសាកសួរចម្លើយជនសង្ស័យចប់។
នៅពេលចាប់ខ្លួន សមត្ថកិច្ចថៃ បានដឹកជនសង្ស័យតាមរយៈឧទ្ធម្ភាគចក្រទៅកាន់អង្គភាពតម្រួតនៅក្នុងទីក្រុងបាងកក ដើម្បីសាកសួរ ដោយនៅពេលនោះដែរគេបានសារភាពថា ការលួចយកអាវុធចេញពីឃ្លាំង គឺគេបានចាប់ផ្ដើមតាំងពីដើមខែមេសា មកម្ល៉េះ ដោយលួចម្តងបន្តិចៗ ដើម្បីយកទៅលក់ ដោយសារតែខ្លួនគេបានចាញ់ល្បែងភ្នាល់បាល់ច្រើនពេក ហើយក៏បានយកលុយទាំងនេះទៅដោះបំណុលគេ ចំពោះគោលដៅដែលជនសង្ស័យបានយកអាវុធទៅលក់នេះ គឺមាន ៩ គោលដៅ ដោយក្នុងមួយគោលដៅ ទៅតាមទំហំដែលគេបានកុម្ម៉ង់។
លោកឧត្ដមសេនីយ៍អគ្គស្នងការរងនគរបាលជាតិ បានលើកពីភាពអវិជ្ជមានថា លោកនឹងដាក់កម្លាំងស្រាវជ្រាវរកប្រភពទាំង ៩ គោលដៅនោះឲ្យឃើញ ដើម្បីនាំខ្លួនអ្នកទិញអាវុធយកមកផ្ដន្ទាទោស ព្រមទាំងយកអាវុធទាំងជាង ១០០ ដើមនោះមកវិញឲ្យបាន ព្រោះគេមិនដឹងថា តើក្រុមដែលទិញអាវុធយកទៅនេះមានគោលបំណងអ្វី? ល្អ ឬអាក្រក់? ជួនកាលក៏អាចក្លាយជាអ្នកស៊ីឈ្នួលសម្លាប់មនុស្សក៏អាចថាបាន ព្រោះពេលនេះកៀកពេលត្រូវបោះឆ្នោតក្នុងប្រទេសថៃផង។
ចាប់តាំងពីថ្ងៃចាប់ខ្លួនជនសង្ស័យនោះមក មានប្រជាពលរដ្ឋមួយចំនួនរស់នៅក្នុងខេត្តសុងខ្លា និងខេត្តចំនួន ៣ ទៀត ស្ថិតនៅភាគខាងត្បូងប្រទេសថៃ បាននាំគ្នាយកអាវុធដែលទិញពីតម្រួតរូបនេះ មកប្រគល់ឲ្យស្ថានីយតម្រួតវិញជាបណ្តើរៗហើយ។ បើគិតមកទល់នឹងយប់ថ្ងៃទី ២៥ តុលា សមត្ថកិច្ចថៃ ទទួលបានចំនួន ៥៣ ដើមហើយ ក្នុងនោះមានអាវុធវែង ៧ ដើម និងអាវុធខ្លី ៤៦ ដើម។
លោកឧត្ដមសេនីយ៍អគ្គស្នងការរង បានបន្ថែមថា លោកនឹងព្យាយាមប្រមូល និងស្រាវជ្រាវបន្ថែមទៀតទៅលើអាវុធដែលនៅសេសសល់។ ប៉ុន្តែលោកបានសន្និដ្ឋានថា អាវុធមួយចំនួន អាចឆ្លងដែនចេញទៅក្រៅប្រទេស គឺទៅភាគខាងត្បូង នៃប្រទេសថៃ៕
អត្ថបទ ៖ សោ និយមរ័ត្ន
ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ