ព័ត៌មានអន្ដរជាតិ
ឥណ្ឌូណេស៊ី ប្រើរថយន្តមិនមែនចាក់សាំង ឬម៉ាស៊ូត ដឹកមេដឹកនាំសម្រាប់កិច្ចប្រជុំ G20
មេដឹកនាំពិភពលោកដែលបានមកដល់ប្រទេសឥណ្ឌូណេស៊ី ដើម្បីចូលរួមកិច្ចប្រជុំកំពូល G20 នៅកោះបាលី ត្រូវបានទទួលស្វាគមន៍ និងដឹកដោយរថយន្តមិនមែនចាក់សាំង ឬម៉ាស៊ូតនោះទេ នៅពេលធ្វើដំណើរទៅកាន់កន្លែងពាក់ព័ន្ធនានា ។
ឥណ្ឌូណេស៊ី បានកំណត់យករថយន្តអគ្គិសនី (EV) ថាជាមធ្យោបាយដឹកជញ្ជូនតែមួយគត់ ក្នុងអំឡុងពេលកិច្ចប្រជុំកំពូល G20 នៅកោះបាលី ហើយប្រទេសម្ចាស់ផ្ទះមួយនេះ បានរៀបចំរថយន្តជាង ១,៤០០ គ្រឿង ក្នុងនោះ រថយន្តអគ្គិសនី ៩៦២ គ្រឿង, ម៉ូតូអគ្គិសនី ៤៥៤ គ្រឿង និងរថយន្តក្រុងអគ្គិសនី ៣៦ គ្រឿង ដើម្បីដឹកមេដឹកនាំ និងប្រតិភូ ក៏ដូចជា អ្នកសារព័ត៌មាន និងបុគ្គលិកសន្តិសុខទាំងនៅក្នុង និងជុំវិញកន្លែងសំខាន់ៗ ។
លោក Adita Irawati អ្នកនាំពាក្យក្រសួងដឹកជញ្ជូនបានប្រាប់សារព័ត៌មាន Arab News ថា “រដ្ឋាភិបាលឥណ្ឌូណេស៊ីមានការយកចិត្តទុកដាក់យ៉ាងខ្លាំង ចំពោះការបញ្ចូលថាមពលកកើតឡើងវិញ ទើបយើងសម្រេចជ្រើសរើសយកការប្រើប្រាស់រថយន្តអគ្គិសនីនេះ” ។
លោក Irawati បានបញ្ជាក់ថា ការសម្រេចយករថយន្តអគ្គិសនីនេះ ដោយសារតែក្រសួងដឹកជញ្ជូនបានប្តេជ្ញាចិត្តក្នុងការកាត់បន្ថយការបំភាយឧស្ម័នផ្សែងចេញពីយានយន្តដែលផ្អែកលើឥន្ធនៈហ្វូស៊ីល ហើយវាក៏ស្របពេលដែលរដ្ឋាភិបាលឥណ្ឌូណេស៊ី បានកំណត់គោលដៅដើម្បីឲ្យមានរថយន្តអគ្គិសនីចំនួន ២ លានគ្រឿងនៅលើផ្លូវរបស់ប្រទេសនៅឆ្នាំ ២០២៥ ។
ឥណ្ឌូណេស៊ី គឺជាប្រទេសជីករ៉ែនីកែល ធំជាងគេបំផុតក្នុងពិភពលោក ដែលជាសមាសធាតុសំខាន់សម្រាប់អាគុយរថយន្តអគ្គិសនី ។ នៅក្នុងខែសីហា ប្រទេសនេះបានចុះហត្ថលេខាលើកិច្ចព្រមព្រៀងជាមួយក្រុមហ៊ុនផលិតរថយន្តអគ្គិសនីកំពូលរបស់ពិភពលោកគឺ Tesla ក្នុងតម្លៃ ៥ ពាន់លានដុល្លារក្នុងរយៈពេល ៥ ឆ្នាំខាងមុខ ។
គួរបញ្ជាក់ថា ការដាក់ឲ្យប្រើប្រាស់រថយន្តអគ្គិសនី ក្នុងអំឡុងពេលកិច្ចប្រជុំកំពូល G20 ដែលបានធ្វើឡើងកាលពីថ្ងៃទី១៥ ដល់ថ្ងៃទី១៦ ខែវិច្ឆិកានេះ ត្រូវបានគេមើលឃើញថា ជាជំហានដ៏ល្អមួយឆ្ពោះទៅរកការសម្រេចបាន នូវការបំភាយឧស្ម័នសូន្យសុទ្ធ ឆ្នាំ ២០៦០ របស់ប្រទេសឥណ្ឌូណេស៊ី ៕
ប្រែសម្រួលដោយ ៖ ជីវ័ន្ត
ប្រភព ៖ Arab News
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ