លោក Biden ប្រកែកចំពោះការលើកឡើងរបស់លោក Zelensky ទាក់ទិនមីស៊ីលធ្លាក់នៅ ប៉ូឡូញ

ប្រធានាធិបតីអាមេរិកលោក Joe Biden បានប្រកែកចំពោះការអះអាងរបស់លោក Volodymyr Zelensky ដែលថា មីស៊ីលធ្លាក់នៅក្នុងប្រទេសប៉ូឡូញ និងសម្លាប់មនុស្សពីរនាក់ មិនមែនមានប្រភពចេញពីប្រទេសអ៊ុយក្រែននោះទេ។

ប្រធានាធិបតីអ៊ុយក្រែន បាននិយាយកាលពីថ្ងៃពុធទី១៦ខែវិច្ឆិកាថា គ្មានអ្វីត្រូវសង្ស័យទេដែលថាមីស៊ីលនេះ មិនមែនជារបស់អ៊ុយក្រែនឡើយ ហើយបានអំពាវនាវឲ្យមន្ត្រីរបស់គាត់ទទួលបានសិទ្ធិចូលទៅកាន់ទីតាំងនៃការបំផ្ទុះ។

លោក Biden និយាយថា គន្លងនៃមីស៊ីលបង្ហាញថា មីស៊ីលនេះ ទំនងជាមិនមែនមកពីរុស្ស៊ីទេ ហើយនៅពេលត្រូវបានសួរនៅថ្ងៃព្រហស្បតិ៍អំពីការអត្ថាធិប្បាយរបស់លោក Zelensky លើបញ្ហានេះ លោក Biden បានប្រាប់អ្នកសារព័ត៌មានថា “គ្មានព័ស្តុតាងឡើយ”។

គួរបញ្ជាក់ជាថ្មី​ មីស៊ីល​នេះ​បាន​បាញ់ចំកសិដ្ឋានមួយកន្លែង​ក្នុង​ភូមិ Przewodow ដែល​មាន​ចម្ងាយ​ប្រហែល ៤ ម៉ាយល៍ ពី​ព្រំដែន​ប្រទេស​ប៉ូឡូញ​ជាប់​អ៊ុយក្រែន​កាល​ពី​ថ្ងៃ​អង្គារ ទី១៥ខែវិច្ឆិកា៕

ប្រែសម្រួល៖​ Vann Vann

ប្រភព៖ SKY

ចុចអាន៖ អ៊ុយក្រែន សារភាពថា មីស៊ីលដែលធ្លាក់នៅប៉ូឡូញ គឺខ្លួនជាអ្នកបាញ់