ព័ត៌មានអន្ដរជាតិ
អារ៉ាប៊ីសាអូឌីត សម្រេចយកសៀវភៅសិក្សាភាសាចិនកុកងឺ បង្រៀនដល់សិស្សបឋម និងវិទ្យាល័យ
ក្រសួងអប់រំនៃប្រទេសអារ៉ាប៊ីសាអូឌីតបានយល់ព្រមប្រើប្រាស់សៀវភៅសិក្សាភាសាចិនកុកងឺដែលបង្កើតឡើងដោយក្រុមហ៊ុនមួយនៅទីក្រុង Yinchuan របស់តំបន់ស្វយ័ត Ningxia Hui ហើយវាក៏ជាសៀវភៅបរទេសដំបូងបង្អស់ផងដែរ ដែលត្រូវបានអនុម័តដោយប្រទេសនេះ ។
ក្រុមហ៊ុនបាននិយាយថា សៀវភៅសិក្សាភាសាចិនឆ្លាតវៃ ដែលបង្កើតឡើងដោយក្រុមហ៊ុន Wisdom House International Culture Communication Group គឺសម្រាប់សិស្សបឋមសិក្សា និងវិទ្យាល័យ ខណៈក្រុមហ៊ុនបានចំណាយពេលបង្កើតសៀវភៅនេះរហូតដល់ ៤ ឆ្នាំ និងត្រូវបានរចនាឡើងយ៉ាងពិសេសសម្រាប់ប្រើប្រាស់ក្នុងប្រទេសអារ៉ាប់មួយនេះ ។
សៀវភៅនេះត្រូវបានបង្កើតឡើងដោយផ្អែកលើបទពិសោធន៍របស់គ្រូបង្រៀនភាសាចិនកុកងឺ ដែលធ្វើការនៅប្រទេសអារ៉ាប៊ីសាអូឌីត ហើយសៀវភៅសិក្សាភាសាចិននេះ រួមបញ្ចូលគ្នានូវវប្បធម៌ និងទំនៀមទម្លាប់ប្រពៃណីចិន-អារ៉ាប់, បង្កើតរចនាប័ទ្មប្រកបដោយភាពច្នៃប្រឌិតនៃការបញ្ចេញមតិ និងបទបង្ហាញដែលសម្របតាមវិធីសាស្រ្តអាន និងទម្លាប់របស់ប្រជាជនអារ៉ាប់ ។
ទន្ទឹមនោះ សៀវភៅសិក្សានេះក៏ផ្តោតលើការប្រើប្រាស់ជាក់ស្តែង និងលើកកម្ពស់ទំនាក់ទំនងរវាងគ្រូ និងសិស្ស ជាមួយនឹងប្រធានបទដែលទាក់ទងយ៉ាងជិតស្និទ្ធទៅនឹងជីវិតប្រចាំថ្ងៃរបស់សិស្សផងដែរ ។ សៀវភៅនេះក៏ត្រូវបានបំពាក់ដោយសម្ភារៈបង្រៀនបែបឌីជីថល និងហ្គេមក្នុងថ្នាក់ផងដែរ ដើម្បីធ្វើឲ្យវាកាន់តែទាក់ទាញដល់សិស្ស ។
បើយោងតាមទីភ្នាក់ងារសារព័ត៌មានចិន Xinhua បានឲ្យដឹងថា អារ៉ាប៊ីសាអូឌីតបានបញ្ចូលភាសាចិនកុកងឺនៅក្នុងប្រព័ន្ធអប់រំរបស់ខ្លួន, បង្កើតមុខជំនាញទាក់ទងនឹងភាសានៅក្នុងសាកលវិទ្យាល័យចំនួន ៩ និងបានបណ្តុះបណ្តាលគ្រូភាសាចិនក្នុងប្រទេសជាង ៣០០ នាក់ផងដែរ ។
ជាចុងក្រោយ ក្រុមហ៊ុនជឿជាក់ថា ការយល់ព្រមប្រើប្រាស់សៀវភៅសិក្សាភាសាចិនកុកងឺនៅក្នុងប្រទេសអារ៉ាប៊ីសាអូឌីត នឹងធ្វើឲ្យការអប់រំភាសាចិនកាន់តែមានទីផ្សារទូលំទូលាយនៅក្នុងប្រទេសមួយនេះ និងនៅទូទាំងមជ្ឈិមបូព៌ាផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ China Daily
ចុចអាន ៖ ចិន មានអ្នកស្លាប់ដោយសារកូវីដ លើកដំបូង ក្នុងរយៈពេលជាង កន្លះខែ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង