ព័ត៌មានអន្ដរជាតិ

អ៊ុយក្រែន ទទួលស្គាល់ថា រុស្ស៊ី ប្រើមីស៊ីលសុទ្ធតែពិបាកស្ទាក់ចាប់

បានផុស

១ year មុន

នៅ

ថ្ងៃអង្គារ ១៧ មករា ២០២៣

ដោយ

អ្នកនាំពាក្យកងទ័ពអាកាសអ៊ុយក្រែនលោក Yuriy Ihnat បាននិយាយថា ប្រទេសអ៊ុយក្រែនកំពុងស្ថិតនៅក្រោមការគំរាមកំហែងខ្លាំងទៅៗហើយ បន្ទាប់ពីរុស្ស៊ីប្រើប្រាស់ប្រព័ន្ធមីស៊ីលប្រឆាំងយន្តហោះ ដើម្បីវាយប្រហារគោលដៅដីគោក ជាពិសេសមីស៊ីលបែបនេះពិបាកនឹងស្ទាក់ចាប់ណាស់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ihnat បាននិយាយកាលពីថ្ងៃចន្ទថា ប្រទេសរុស្ស៊ីកំពុងបង្កើនការប្រើប្រាស់មីស៊ីលដែលត្រូវបានបង្កើតឡើងដំបូងសម្រាប់ការពារប្រឆាំងនឹងការវាយប្រហារតាមផ្លូវអាកាស ហើយកាំជ្រួចមីស៊ីលទាំងនោះសុទ្ធតែមានសមត្ថភាពហោះហើរក្នុងរយៈចម្ងាយរាប់រយគីឡូម៉ែត្រឯណោះ ។

មន្ត្រីរូបនេះបានបញ្ជាក់ទៀតថា ដូច្នេះអ៊ុយក្រែនត្រូវការប្រព័ន្ធខែលការពារដែនអាកាសរបស់ប្រទេសលោកខាងលិច ដើម្បីប្រើប្រាស់បាញ់ទម្លាក់មីស៊ីលរុស្ស៊ី ជាពិសេសយើងត្រូវបំផ្លាញទីតាំងដែលមីស៊ីលបាញ់ចេញតែម្ដង ។

គួរបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០២២ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ខណៈរហូតមកដល់ពេលនេះ វាមានរយៈជាង ១០ ខែហើយ ។

បន្ទាប់មក លោកខាងលិចបានដាក់ទណ្ឌកម្មយ៉ាងខ្លាំងក្លាប្រឆាំងរុស្ស៊ី ជាពិសេសគឺបង្កើនការផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ដែលមានតម្លៃរាប់សិបពាន់លានដុល្លារ ៕