ព័ត៌មានអន្ដរជាតិ
អាមេរិក បើកដៃឲ្យអ៊ុយក្រែន បាញ់រ៉ុកកែតចូលដីរុស្ស៊ី តាមចិត្ត
មន្ទីរបញ្ចកោណបាននិយាយកាលពីថ្ងៃសុក្រទី០៣ខែកុម្ភៈថា រដ្ឋាភិបាលក្នុងទីក្រុងកៀវអាចបាញ់រ៉ុកកែត HIMARS ដែលផ្គត់ផ្គង់ដោយសហរដ្ឋអាមេរិក តាមដែលចិត្តរបស់ពួកគេចង់។
មន្ទីរប៉ង់តាហ្គោនថែមទាំងបញ្ជាក់ថា អាវុធចុងក្រោយបំផុតដែលអ្នកជាប់ពន្ធអាមេរិកកំពុងផ្តល់មូលនិធិ នឹងរួមបញ្ចូលទាំងរ៉ុកកែតបាញ់ពីដីគោក GLSDB ផងដែរ។
គ្រាប់បែកដែលផលិតដោយក្រុមហ៊ុន Boeing ប្រភេទនេះ មានភ្ជាប់ម៉ូទ័រដែលផ្សំជាមួយគ្រាប់បែកយន្តហោះ អាចបាញ់បានចម្ងាយរហូតដល់១៥០គីឡូម៉ែត្រ។
ឧត្តមសេនីយ៍ទោ Patrick Ryder បានប្រាប់អ្នកយកព័ត៌មានថា អាមេរិកនឹងមិនរារាំងអ៊ុយក្រែន ពីការប្រើប្រាស់រ៉ុកកែតទាំងនេះ ដើម្បីវាយប្រហារចូលជ្រៅនៅក្នុងទឹកដីរុស្ស៊ីនោះទេ។
លោកនិយាយកាលពីថ្ងៃសុក្រថា “នៅពេលនិយាយអំពីផែនការរបស់អ៊ុយក្រែនលើប្រតិបត្តិការ ច្បាស់ណាស់នោះគឺជាការសម្រេចចិត្តរបស់ពួកគេ។ ដូច្នេះ ខ្ញុំនឹងមិននិយាយ ឬប៉ាន់ស្មានអំពីប្រតិបត្តិការនាពេលអនាគតដ៏មានសក្តានុពលនោះទេ ប៉ុន្តែជាថ្មីម្តងទៀត យើងបាននិងកំពុងធ្វើការជាមួយពួកគេ ដើម្បីផ្តល់ឲ្យពួកគេនូវសមត្ថភាពប្រកបដោយប្រសិទ្ធភាពនៅលើសមរភូមិ”។
គួរបញ្ជាក់ថា រ៉ុកកែត GLDSB ត្រូវបានផលិតដោយក្រុមហ៊ុន Boeing សហការជាមួយ Saab AB របស់ស៊ុយអែត។ យ៉ាងណាក្តី គេមិនច្បាស់ទេថាតើរ៉ុកកែតប៉ុន្មានគ្រាប់ ដែលមន្ទីរបញ្ចកោណមានបំណងបញ្ជូនទៅឲ្យអ៊ុយក្រែន ឬថាតើអាវុធទាំងនេះនឹងយកចេញពីឃ្លាំងស្តុកយោធាអាមេរិក ឬត្រូវការផលិតថ្មី៕
ប្រែសម្រួល៖ Vann Vann
ប្រភព៖ RT
ចុចអាន៖ មេដឹកនាំ EU ទៅដល់ទីក្រុងកៀវ សម្រាប់កិច្ចប្រជុំកំពូលជាមួយលោក Zelensky
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង