ព័ត៌មានអន្ដរជាតិ

មេដឹកនាំ EU ទៅដល់ទីក្រុងកៀវ សម្រាប់កិច្ចប្រជុំកំពូលជាមួយលោក Zelensky (មានវីដេអូ)

បានផុស

៣ years មុន

នៅ

ថ្ងៃសុក្រ ៣ កុម្ភៈ ២០២៣

ដោយ

មេដឹកនាំសហភាពអឺរ៉ុប (EU) បានទៅដល់ទីក្រុងកៀវហើយ ដើម្បីពិភាក្សាជាមួយរដ្ឋាភិបាលអ៊ុយក្រែន ដោយពាំនាំនូវការសន្យាដាក់ទណ្ឌកម្មថ្មីប្រឆាំងនឹងរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានគណៈកម្មការប្រតិបត្តិរបស់ក្រុមនេះ គឺលោកស្រី Ursula von der Leyen បានជិះរថភ្លើងទៅដល់ទីក្រុងកៀវ នៅថ្ងៃសុក្រទី០៣ខែកុម្ភៈ ដែលជាដំណើរដ៏សំខាន់ដើម្បីបង្ហាញពីការគាំទ្រសម្រាប់ប្រទេសអ៊ុយក្រែន ខណៈខួបលើកទីមួយ នៃការលុកលុយរបស់រុស្ស៊ីនៅថ្ងៃទី២៤ខែកុម្ភៈខិតជិតមកដល់។

សមាជិកជាន់ខ្ពស់ផ្នែកប្រតិបត្តិរបស់ EU បានជួបសមភាគីរបស់ពួកគេនៅក្នុងរដ្ឋាភិបាលអ៊ុយក្រែន ហើយលោកស្រី von der Leyen និងប្រធាននៃមេដឹកនាំ EU លោក Charles Michel នឹងជួបប្រជុំជាមួយប្រធានាធិបតីអ៊ុយក្រែនលោក Volodomyr Zelensky នៅថ្ងៃសៅរ៍។

លោក Zelensky បានជំរុញឲ្យ EU ចាត់វិធានការដាក់ទណ្ឌកម្មបន្ថែមទៀតប្រឆាំងនឹងរុស្ស៊ី ប៉ុន្តែការដាក់ទណ្ឌកម្មជុំទី១០ ដែលប្លុកនេះកំពុងរៀបចំសម្រាប់ខួបមួយឆ្នាំនៃការវាយលុក ទំនងជាមិនគ្រប់គ្រាន់ដូចការទាមទាររបស់រដ្ឋាភិបាលទីក្រុង កៀវ នោះទេ។

គួរបញ្ជាក់ថា ការជួបជុំនេះគឺជាការលើកដំបូងហើយ ដែលប្រព្រឹត្តទៅក្នុងទីក្រុង កៀវ ចាប់តាំងពីរុស្ស៊ី បើកការលុកលុយអ៊ុយក្រែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Aljazeera

ចុចអាន៖ ពូទីន ចេញមុខព្រមានខ្លាំងៗទៅលោកខាងលិច រឿងផ្គត់ផ្គង់រថក្រោះឲ្យ អ៊ុយក្រែន